ysr-congress-jana-sena-tdp-on-bjp-mergeమెగా అభిమానులు, టీడీపీ కార్యకర్తల మధ్య సోషల్ మీడియాలో ఆసక్తికరమైన వార్ జరుగుతుంది. జనసేనకు ఈ ఎన్నికలలో ఘోరపరాజయం ఎదురయ్యింది. ఎన్నికలలో జనసేన కేవలం ఒక్కే ఒక్క సీటు తన ఖాతాను తెరిచింది. తన తొలి ఎన్నికలలో జనసేన అధినేత పవన్ కళ్యాణ్ కు నిరాశాజనకమైన ఫలితాలు వచ్చాయి. ఆ పార్టీ పేలవమైన ప్రదర్శన తో పాటు పవన్ కళ్యాణ్ తాను పోటీ చేసినా రెండు సీట్లలో లోను ఓడిపోయారు. 137 సీట్లలో పోటీ చేస్తే 120 చోట్ల ధరావత్తు కోల్పోయారు ఆ పార్టీ అభ్యర్థులు.

అయితే మెగా అభిమానులలో ఆ బాధ ఏమాత్రం లేదు. పైగా టీడీపీ ఓటమిని ఎంజాయ్ చేస్తున్నారు. చాలా మంది టీడీపీని ఓడించడానికి తాము వైఎస్సార్ కాంగ్రెస్ కు ఓటు వేశామని బాహాటంగానే ప్రకటిస్తున్నారు. ఇది ఇలా ఉండగా ప్రజారాజ్యం పార్టీ జెండా పీకేద్దామా అంటూ ఈనాడులో అప్పట్లో వచ్చిన ఒక ఆర్టికల్ ను చూపించి చంద్రబాబు అలా చేయించాడు అని అదే టైటిల్ తో టీడీపీ బీజేపీలో విలీనం అవుతుంది అంటూ జనసేన శతాగ్ని టీం పోస్టర్లు విడుదల చేస్తుంది.

అయితే తమ ఓటమి సంగతి చూసుకోకుండా ఈ గోల ఏంటని పార్టీ కోసం పని చేసిన వారు తలపట్టుకుంటున్నారు. టీడీపీ కార్యకర్తలు ప్రజారాజ్యం పార్టీ జెండా పీకేద్దామా అంటూ ఈనాడులో అప్పట్లో వచ్చిన ఒక ఆర్టికల్ ను ఆ తరువాత నిజం చేశాడు ఇంక దేనికి మీ ఏడుపు అంటూ వారికి కౌంటర్లు ఇస్తున్నారు. జెండా పీకేయ్యడానికి టీడీపీ ఏమైనా ప్రజారాజ్యం పార్టీనా అంటూ వారిని ఎద్దేవా చేస్తున్నారు. ఇరుపక్షాల వారు కొట్టుకుంటుంటే వైఎస్సార్ కాంగ్రెస్ అభిమానులు ఎంజాయ్ చేస్తున్నారు.