ఈ వారం ప్రారంభంలో, సూపర్ స్టార్ మహేష్ బాబు, త్రివిక్రమ్ శ్రీనివాస్ కాంబినేషన్ లో వస్తున్న తాజా చిత్రం # SSMB28 అధికారిక ప్రకటన వచ్చింది. పదకొండేళ్ల తర్వాత మహేష్ బాబు, త్రివిక్రమ్ శ్రీనివాస్ లు ఈ చిత్రం తో మరోసారి జతకడుతున్నారు . అతడు, ఖలేజా తరువాత వారి కలయికలో ఇది మూడవ చిత్రం.
ఈ చిత్రం టైటిల్ గురించి ఇప్పటికే ఊహాగానాలు మొదలయ్యాయి. అతడులో మహేష్ బాబు పాత్ర పేరును గుర్తు చేసే విధంగా ఈ చిత్రానికి ‘పర్ధు’ అని పేరు పెట్టనున్నారని కొందరు అంటున్నారు. సూపర్ స్టార్ కృష్ణ బర్త్ డే స్పెషల్ గా ఈ నెల 31 న టైటిల్ కు సంబంధించిన అధికారిక అప్డేట్ రానుందని పుకార్లు కూడా ఉన్నాయి.
సాధారణంగా, త్రివిక్రమ్ ఎప్పుడూ తన సినిమా టైటిల్స్ చివరిలో మాత్రమే ప్రకటిస్తాడు. అతను ప్రేక్షకులను మరియు అభిమానులను గెస్సింగ్ గేమ్ లో ఉంచడానికి ఇష్టపడతాడు. ఈసారి ఏదైనా భిన్నంగా ఉంటుందో లేదో చూడాలి. సమ్మర్ 2022 లో సినిమాను విడుదల చేయబోతున్నట్లు మేకర్స్ ప్రకటించారు.
ఈ చిత్రం ఈ నెల 31న సూపర్ స్టార్ కృష్ణ జన్మదినం సందర్భంగా ముహూర్తం జరుపుకుంటుంది. ఆగష్టులో షూటింగ్ మొదలుపెట్టాలని ఆలోచిస్తున్నారు. హారికా మరియు హాసినీ క్రియేషన్స్ బ్యానర్ నిర్మిస్తున్న ఈ చిత్రానికి తమన్ సంగీతం సమకూర్చుతున్నారు. పూజా హెగ్డే హీరోయిన్ అని వార్తలు వస్తున్నాయి. అదే గనుక నిజమైతే త్రివిక్రమ్ తన అల వైకుంఠపురంలో టీమ్ నే తిరిగి రిపీట్ చేస్తున్నట్టు అవుతుంది.
