నాగార్జున – నాని హీరోలుగా రూపుదిద్దుకుంటోన్న “దేవదాస్” సినిమా ఫస్ట్ లుక్ ఇటీవల విడుదలై అందరినీ ఆకర్షించిన విషయం తెలిసిందే. నాగ్, నానిలు ఓ మంచం మీద అస్తవ్యస్తంగా పడుకుని ఉన్న ఈ ఫోటో ఫన్ రైజింగ్ గా ఉండగా, తాజాగా ఈ పోస్టర్ లో ‘అర్జున్ రెడ్డి’ వెలిసాడు. అవును… నెటిజన్ల క్రియేటివిటీలో భాగంగా ‘దేవదాస్’ పక్కన ‘రెడ్డి’ గారు కూడా చేరారు.
‘అర్జున్ రెడ్డి’ సినిమాలో ఇంటర్వెల్ బ్యాంగ్ అయిన సీన్ లో విజయ్ దేవరకొండ మంచం మీద పడిపోయే సీన్ ఉండగా, ఆ సీన్ లోని పిక్ ను ఎడిట్ చేసి, సరిగ్గా నాని పక్కన పెట్టి, టైటిల్ ను “దేవదాస్ రెడ్డి”గా ఓ పోస్టర్ ను నెట్టింట వదిలిపెట్టారు. ఇంకేముంది… అసలే అర్జున్ రెడ్డి ఇంకా తగ్గాలా… దానికి తోడు మల్టీస్టారర్ పోస్టర్… సోషల్ మీడియాలో వైరల్ అవుతూ సందడి చేస్తోంది.
