స్వర్గీయ తమిళనాడు మాజీ ముఖ్యమంత్రి జయలలిత జీవితం ఆధారంగా ఎన్నో సినిమాలు వస్తున్నాయి. అందులో కంగనా రనౌత్ హీరోయిన్ గా తలైవి అనే చిత్రం తెలుగు, తమిళ, హిందీ భాషలలో నిర్మితం అవుతుంది. ఈ సినిమాలో శోభన్ బాబు పాత్ర కోసం విజయ్ దేవరకొండని సంప్రదించినట్టు సమాచారం.
విజయ్ ఈ తరం అమ్మాయిల కలల రాకుమారుడైతే శోభన్ కొన్ని సంవత్సరాల పాటు సోగ్గాడిగా అమ్మాయిలకు నిద్రలేకుండా చేసేవారు. దీనితో విజయ్ ఆ పాత్రకు సరైన ఛాయస్ అని అంటున్నారు. అయితే ఈ పాత్రను చిత్రంలో ఏ మేరకు చూపిస్తారు అనేది చూడాలి. శోభన్ బాబు జయలలిత అనేక సినిమాలలో కలిసి నటించారు.
అంతే కాకుండా వారిద్దరి నిజజీవిత రిలేషన్ గురించి అనేక వార్తలు ఉన్నాయి. ఆ కోణం సినిమాలో ఏమైనా చుపిస్తారేమో చూడాలి. అయితే సినిమాలో జయ రాజకీయ జీవితాన్నే ఎక్కువ టచ్ చేస్తే ఆ పార్టుని అసలు ముట్టుకోకపోవచ్చు. జయలలిత ఇష్టసఖిగా ప్రియమణి కనిపిస్తుందట.
ఇటీవలే విడుదలైన సినిమా ఫస్ట్ లుక్ అభిమానులను నిరాశపరచిందనే చెప్పుకోవాలి. ఈ తరుణంలో సినిమాలో ఎటువంటి జాగ్రత్తలు తీసుకుంటారో చూడాలి. అమల పాల్ మాజీ భర్త ఏఎల్ విజయ్ ఈ సినిమాకు దర్శకత్వం వహిస్తున్నాడు. రాజమౌళి తండ్రి విజయేంద్ర ప్రసాద్ కథను ఇచ్చారు.