ఓ ట్రైలర్ చూసి విజయ్ దేవరకొండ ఫ్లాట్ అయిపోయాడు. అదే విజయ్ భాషలో అయితే… మెంటల్ లేస్తోందని చెప్పాలి. ‘ది మ్యాన్ హూ ఫీల్స్ నో పెయిన్’ పేరుతో ఆగష్టులో విడుదలైన ట్రైలర్ ను చూసిన విజయ్ దేవరకొండ, ‘వాట్ ఎ ట్రైలర్ – మ్యాడ్ మ్యాడ్ మ్యాడ్’ అంటూ కితాబిచ్చాడు. ఇక్కడితో ఆగితే ఈ సెన్సేషనల్ హీరో స్పెషాలిటీ ఏముంటుంది?
సదరు ట్రైలర్ ను అందించిన వాసన్ బాలాను తనతో వర్క్ చేయాల్సిందిగా ఎలాంటి మొహమాటం లేకుండా కోరాడు. ఇప్పటికే తను ఆ ప్రాజెక్ట్ లో ఉన్నట్లుగా ఫిక్స్ అయిపోయానన్న భావనను వ్యక్తపరచగా, అందుకు సదరు దర్శకుడు లైక్ చేయడం విశేషం. అయితే ఈ ట్రైలర్ చూసిన వారంతా, తెలుగులో తెరకెక్కించాలంటే విజయ్ దేవరకొండను మించిన హీరో లేరనే చెప్పడం ఖాయం.
జీవితంలో తను అనుకున్నది సాధించాలనే ఓ యువకుడికి ఉండే ఒక జబ్బును హైలైట్ గా చేసుకుని, చాలా ఫన్ గా ఈ ట్రైలర్ తెరకెక్కింది. పెయిన్ అంటే తెలియని ఈ ట్రైలర్ లో విజయ్ దేవరకొండను ఊహించుకుంటే, ప్రేక్షకులకు కూడా మెంటల్ లేయడం ఖాయమని చెప్పవచ్చు. మరి ఈ ప్రాజెక్ట్ తెలుగులో విజయ్ తో రూపుదిద్దుకోవాలని ఆశిద్దాం.
Whatte Trailer – mad mad mad. @Vasan_Bala work with me. I already wish I was in this one. https://t.co/qXKkkhoOXE
— Vijay Deverakonda (@TheDeverakonda) September 1, 2018