స్టైలిష్ స్టార్ అల్లు అర్జున్ పుష్పలో విలన్ గా నటించడానికి తమిళ స్టార్ యాక్టర్ విజయ్ సేతుపతిని సంప్రదించినప్పటికీ ఆ నటుడు ఈ చిత్రం చేయడం లేదు. అతను సినిమాకు తన రెమ్యూనరేషన్ గా రూ .10 కోట్లు కోట్ చేసాడు మరియు సినిమా తమిళంలో విడుదల చేయకూడదని షరతు పెట్టాడు. ఈ నటుడు ఉప్పెన కోసం కేవలం 5 కోట్లు వసూలు చేశాడు.
అయితే తన కొడుకును పరిచయం చేయడానికి పుష్పా యొక్క రీమేక్ హక్కులను కొనుగోలు చెయ్యాలని అనుకున్నాడు. హక్కులను కొనడానికి బదులు రెమ్యూనరేషన్ డబల్ చేసేశాడు. మిగతా ఐదు కోట్లు రీమేక్ హక్కుల ఖర్చుకు సరిపోతాయి. అయితే తమిళంలో విడుదల చేయకపోవడం అంటే పుష్పా నిర్మాతలకు అంతా కలిసి తడిచిమోపెడు అవుతుంది.
అంటే విజయ్ సేతుపతి కావాలనుకుంటే కనీసం 15 కోట్లు ఖర్చవుతుందని వారు అంచనా వేస్తున్నారు. అయితే సుకుమార్ ఆయనే కావాలని పట్టుబట్టడంతో వారు బేరాలు ఆడుతున్నారు. ఈ చిత్రం జూన్ లేదా జూలైలో షూటింగ్ ప్రారంభమయ్యే అవకాశం ఉంది మరియు 2021 ఏప్రిల్‌లో సమ్మర్ స్పెషల్‌గా విడుదల చేయడానికి ప్రణాళిక ఉంది.
ఈ చిత్రంలో అల్లు అర్జున్ పుష్ప రాజ్ అనే లారీ డ్రైవర్‌గా కనిపించనున్నారు. శేషాచలం అడవుల్లో ఎర్ర చందనం అక్రమ రవాణా నేపథ్యంలో ఈ చిత్రం ఉన్నట్లు చెబుతున్నారు. లాక్ డౌన్ లేకపోయి ఉంటే ఈ సినిమా ఇప్పటికే షూటింగ్ ప్రారంభించాల్సి ఉండేది. దేవి శ్రీ ప్రసాద్ తో సుకుమార్, అల్లు అర్జున్ ఈ చిత్రం మ్యూజిక్ సిట్టింగ్స్ లో బిజీగా ఉన్నారు.
