కెరీర్ లో పెద్దగా సక్సెస్ లు లేకపోయినా… అడపా దడపా కొన్ని సినిమాలు చేస్తోన్న అక్కినేని కాంపౌండ్ హీరో సుమంత్, ల్యాండ్ మార్క్ మూవీకి చేరువయ్యాడు. లైన్ లో ‘ఇదం జగత్’ సినిమా ఉండగా, ఆ తర్వాత తన కెరీర్ లో 25వ మూవీగా “సుబ్రహ్మణ్యపురం”ను ప్రేక్షకుల ముందుకు తీసుకురాబోతున్నాడు. తాజాగా ఈ సినిమాకు సంబంధించి ఓ పోస్టర్ ను రిలీజ్ చేస్తూ… త్వరలోనే వస్తాం… అంటూ స్పష్టం చేసాడు సుమంత్.
సుబ్రహ్మణ్యేశ్వరస్వామి ఇతివృత్తంతో రూపుదిద్దుకున్న ఈ సినిమా టైటిల్ అండ్ పోస్టర్స్ లో కూడా అదే సందేశాన్ని ప్రేక్షకులకు కలిగేలా డిజైన్ చేయిస్తున్నారు. టైటిల్ లో నాగుపాము, సుబ్రహ్మణ్య స్వామి సింబల్ మరియు ప్రీతిపాత్రమైన నెమలి జోడించగా, పోస్టర్ బ్యాక్ గ్రౌండ్ లో కూడా ఆ నెమలి ఒక కన్నుతో ఆగ్రహాన్ని ప్రదర్శిస్తున్న వైనాన్ని చూపించారు. సుమంత్ లుక్ సింపుల్ గా ఉండగా, గతంలో సక్సెస్ అయిన ‘కార్తీకేయ’ సినిమా ఛాయలు కాస్త కనపడుతున్నాయి.
