ఆగష్టు 9వ తేదీన విడుదలకు సిద్ధమవుతోన్న “శ్రీనివాస కళ్యాణం” సినిమా పబ్లిసిటీ కార్యక్రమాలను చిత్ర యూనిట్ ప్రారంభించింది. తాజాగా నాలుగు నిముషాల నిడివి గల మేకింగ్ వీడియో ప్రోమోను రిలీజ్ చేసారు నిర్మాత దిల్ రాజు. ‘ఫ్యామిలీ ఎంటర్టైనర్’గా తెరకెక్కిన ఈ సినిమా మేకింగ్ షాట్స్ లో ముఖ్యంగా పెళ్లి సీన్ల చిత్రీకరణను చూపించారు.
నితిన్ ను పెళ్లికొడుకు చేయడం దగ్గరుండి, ఇద్దరూ ఒకరి తలపై మరొకరు తలంబ్రాలు పోసుకునేటంత వరకు చూపించారు. ఒక రకంగా చెప్పాలంటే… ఈ నాలుగు నిముషాలలో మినీ మ్యారేజ్ ను చేసి చూపించారు చిత్ర యూనిట్. దాదాపుగా 60 మంది భారీ తారాగణంతో షూటింగ్ జరపడంతో సెట్ అంతా కళకళలాడుతూ దర్శనమిచ్చింది.
