ఏపీకి ప్రత్యేక హోదా లేదు… రాదు… బిజెపి తీర్మానం..!

Siddharth nath singh on andhra pradesh special statusఆంధ్రప్రదేశ్ కు ‘ప్రత్యేక హోదా’ లేదని, భవిష్యత్ లో కూడా రాదని ఏపీ బీజేపీ ఇన్ చార్జ్ సిద్ధార్థ్ నాధ్ సింగ్ ఒక స్పష్టమైన ప్రకటన చేశారు. దేశంలో ఇప్పటికే 11 రాష్ట్రాలకు ‘ప్రత్యేక హోదా’ ఉందని, కొత్తగా మరో రాష్ట్రానికి ప్రత్యేక హోదా ఇవ్వడం కుదరదని అన్నారు. 14వ ఆర్థిక సంఘం సిఫారసుల ప్రకారం… భవిష్యత్ లో ఏ రాష్ట్రానికి ప్రత్యేక హోదాను కేటాయించడం జరగదని, అందులో భాగంగా ఏపీకి కూడా ఇవ్వడం సాధ్యమయ్యే విషయం కాదని తేల్చిచెప్పారు. అయితే, బీజేపీకి ఏపీ ప్రత్యేక రాష్ట్రమని, అందుకే ఏపీని కేటగిరీలో పెట్టడం లేదని, ఏపీకి స్పెషల్ స్టేటస్ లేకపోయినా బీజేపీకి మాత్రం ఏపీ స్పెషల్ స్టేట్ అని మాటలతో కాస్త శాంతింపచేసే వ్యాఖ్యలు చేసారు. నీతి ఆయోగ్ ద్వారా మరిన్ని నిధులు ఇచ్చేందుకు ప్రయత్నం చేస్తామని ఈ సందర్భంగా తెలిపారు.

ఇదే వ్యాఖ్యలను మాజీ కేంద్ర మంత్రి, బీజేపీ నాయకురాలు పురంధేశ్వరి కూడా రిపీట్ చేశారు. 14వ ఫైనాన్స్ కమిషన్ చేసిన సిఫారసుల ప్రకారం ప్రత్యేకహోదా ఇవ్వడం కుదరదని, అందుకే ప్రత్యేక ప్యాకేజీ అందజేస్తామని కేంద్రం చెబుతోందని అన్నారు. పోలవరం ప్రాజెక్టు కోసం బీజేపీ చిత్తశుద్ధితో పని చేసిందని, ఏడు మండలాలను ఏపీలో విలీనం చేసిన విషయం బిజెపి ఘనకార్యంగా చెప్పుకొచ్చారు. ఏపీకి ప్రత్యేక హోదా, ప్యాకేజీకి మధ్య చిన్న తేడా ఉందని, అది టెక్నికల్ పదంతో కూడిన తేడాయే తప్ప ఇంకేమీ కాదని బీజేపీ కోర్ కమిటీ సమావేశం కూడా తీర్మానించింది.

ప్రత్యేక హోదా, ప్రత్యేక ప్యాకేజీ అనేవి భావోద్వేగ సమస్యలేనని, ప్రత్యేక హోదాను విభజన చట్టంలో పేర్కొనలేదని, విభజన చట్టంలో ఉన్నవన్నీ నెరవేరుస్తామని, చట్టంలో లేకపోయినప్పటికీ 6,403 కోట్ల రూపాయలు నిధులను విడుదల చేశామని, ప్రత్యేక హోదాపై ఏపీ ప్రజలు ఆందోళన చెందాల్సిన అవసరం లేదని కోర్ కమిటీ అభిప్రాయపడింది. పార్టీ సమవేశాల్లో చర్చించిన అంశాలను అధ్యక్షుడు అమిత్ షాకు వివరిస్తామని, జూన్ మాసంలో అమిత్ షా ఏపీలో పర్యటిస్తారని, క్షేత్రస్థాయిలో పార్టీని పటిష్ఠం చేయడమే తమ లక్ష్యంగా బీజేపీ ఇన్ చార్జ్ సిద్ధార్థ్ నాధ్ సింగ్ తెలిపారు.

తాజా పరిణామాలతో ఒక విషయమైతే స్పష్టంగా కనపడుతోంది. ప్రత్యేక హోదా అంశాన్ని అడ్డు పెట్టుకుని, అధికార పార్టీ తెలుగుదేశంపై బురద జల్లడం… తద్వారా ఏపీలో బిజెపిని బలోపేతం చేసేందుకు ఒక స్పష్టమైన ప్రణాళిక సిద్ధమైందని రాజకీయ విజ్ఞులకు ఇట్టే అవగతమవుతోంది. అంతేకాదు, ఇటీవల కాలంలో జగన్ పై బిజెపి నాయకులు కాస్తంత ప్రేమను కురిపిస్తున్న విధానం బహుశా భవిష్యత్తు రాజకీయాలకు సంకేతాలా? అన్న ప్రశ్నలను ఉత్పన్నమయ్యేలా చేస్తోంది.



Follow Mirchi9 on Google News

This Week Releases on OTT – Check ‘Rating’ Filter

Hiring Content Writer: We are looking to hire a ‘Telugu’ content writer. Send your sample articles to [email protected]

Anubhavinchu Raja Movie ReviewDon't MissAnubhavinchu Raja Review - Very Routine Raja!BOTTOM LINE Very Routine Raja! OUR RATING 2/5 CENSOR U/A What Is the Film About?...drushyam 2 Telugu Movie Review RatingDon't MissDrushyam 2 Review - Only For First Timers!BOTTOM LINE Only For First Timers! OUR RATING 2.5/5 Platform Amazon Prime What Is the...YCP Destruction in Kondapalli Muncipal Chaiman ElectionDon't Missవైసీపీ విధ్వంసం... హైకోర్టు అల్టిమేట్..!కృష్ణాజిల్లాలోని కొండపల్లి మునిసిపల్ ఛైర్మెన్ ఎంపికను అడ్డుకోవడంలో అధికార వైసీపీ పూర్తిగా విజయవంతం అయ్యింది. గత రెండు రోజులుగా వైసీపీ...Janasena Nadendla Manohar setires on Jagan Mohan ReddyDon't Missజనసేన ఎటకారం బానే ఉంది!రాష్ట్రానికి ఏదో చేస్తారని ఇంతకాలం వేచిచూసిన ప్రతిపక్షాలు, అధికార పక్షం తీరుతో విసిగిపోయి, ఇక ఎదురుదాడే అస్త్రంగా విపక్షాలన్నీ జగన్...Bad time for YS JaganDon't Missవైరల్ : జగన్ కు పదవీ గండం?జ్యోతిష్యం, జాతకాలు, వాస్తు... ఈ మూడింటిని విశ్వసించడంలో రాజకీయ నేతలు, సినీ వర్గాలు ముందు వరుసలో ఉంటారు. ఏ చిన్న...

Mirchi9