What-to-Watch---Mahesh-Babu's-Strong-Recommendationసూపర్ స్టార్ మహేష్ బాబుకు టెలివిజన్ ప్రేక్షకులతో అపూర్వమైన ఫాలోయింగ్ ఉంది. తన ఇటీవలి బ్లాక్ బస్టర్ సరిలేరు నీకెవ్వరూ యొక్క టీవీఆర్ రేటింగ్స్ దీనికి ఉదాహరణ. ఈ చిత్రం ఇంతకుముందు ప్రపంచవ్యాప్త టెలివిజన్ ప్రీమియర్ జరిగినప్పుడు 23.04 టివిఆర్ రేటింగ్స్ సాధించింది.

సాధారణంగా, ఏదైనా సినిమా టీవీఆర్ రేటింగ్స్ రెండవ టెలికాస్ట్ సమయంలో సగం లేదా అంతకంటే తక్కువగా ఉంటాయి. కానీ సరిలేరు నీకెవ్వరూ విషయంలో అలా కాదు. ఈ చిత్రం రెండవ టెలికాస్ట్‌లో 17.4 టివిఆర్ రేటింగ్స్ పొందింది. ఈ రేటింగ్ అనేక స్టార్ చిత్రాల ప్రపంచవ్యాప్త టెలివిజన్ ప్రీమియర్స్ కంటే ఎక్కువ.

టెలివిజన్ ఆడియన్స్ మరీ ముఖ్యంగా ఫ్యామిలీ ఆడియన్స్ లో మహేష్ బాబు కు ఉన్న అపూర్వమైన ఫాలోయింగ్ ని ఇది సూచిస్తుంది. ఈ సినిమా యొక్క అధికారిక బ్రాడ్‌కాస్టర్ జెమిని టివి ఉబ్బితబ్బిబవుతుందని ప్రత్యేకంగా చెప్పనవసరం లేదు. మరోవైపు, మహేష్ బాబు కరోనా కేసులు ఎప్పుడు తగ్గుతాయా అని ఎదురు చూస్తున్నాడు.

తగ్గాకే గీతా గోవిందమ్ ఫేమ్ పరశురామ్ దర్శకత్వం వహిస్తున్న తన తదుపరి చిత్రం సర్కారు వారి పాట షూటింగ్ ప్రారంభిస్తాడు. గత వారం టెలికాస్ట్ చేసిన ఇతర చిత్రాలగురించి చూస్తే… దుల్కర్ సల్మాన్ యొక్క కనులు కనులు దోచాయంటే మొట్టమొదటి సారిగా ప్రసారమయ్యి 7.1 టివిఆర్ రేటింగ్‌ను రికార్డ్ చేసింది. ఒక డబ్బింగ్ సినిమాకు ఇది డీసెంట్ అనే చెప్పుకోవచ్చు.