బాలీవుడ్ హీరో సంజయ్ దత్ నిజ జీవిత కథను, ప్రముఖ దర్శకుడు రాజ్ కుమార్ హిరానీ తెరకెక్కిస్తున్నారు. సంజయ్ దత్ నిజ జీవితంలో జరిగిన సంఘటనలను కళ్లకు కట్టినట్లు చూపించడానికి రాజ్ కుమార్ హిరానీ చాలా సమయం తీసుకుని , రణబీర్ కపూర్ ను సంజయ్ దత్ లా చూపించడానికి చాల కష్టపడ్డారు.
జూన్ 29 న విడుదలకాబోతున్న సంజు సినిమా టీజర్ ఈరోజే విడుదలయ్యింది . టీజర్ లో రణబీర్ అచ్చం సంజయ్ దత్ లా కనిపించి , అందర్నీ ఆశ్చర్యపరిచాడు. సంజయ్ దత్ పిన్న వయసులోనే తల్లి నర్గీస్ దత్ ను కోల్పోయాడు. డ్రగ్స్ కి బానిసయ్యాడు. అక్రమ ఆయుధాల కేసులో జైలు శిక్ష అనుభవించాడు.బెయిలు మీద బయటకు వచ్చి సినిమాలు చేసి, మళ్ళి జైలుశిక్ష అనుభవించి, ఇటీవలే బయటకొచ్చాడు .
సంజయ్ జీవితం లో తల్లి నర్గిస్ చావు డ్రగ్స్ బాట పట్టించింది , సంజయ్ కు అఫైర్స్ ఎక్కువ ! టీనా , మాధురి దీక్షిత్ , రియా పిళ్ళై , లిసా రే , మాన్యత లాంటి తారలతో అతనికి ఉన్న సంబంధాలు .. అతన్ని నిరంతరం పత్రికల్లో నిలిచేలా చేసింది . విలక్షణ నటుడు రణబీర్ కపూర్ టీజర్ లో సంజు నడక, మాట, ఆహార్యం అచ్చు గుద్దినట్లు అనుకరించారు . మనీషాకొయిరాలా నర్గిస్ పాత్రలో , పరేష్ రావెల్ సునీల్ దత్ పాత్రలో నటిస్తున్న ఈ సినిమా లో .. అనుష్క శర్మ , దియా మీర్జా , కరిష్మా తన్న , సోనమ్ కపూర్ హీరోయిన్లు. పీకే సినిమా తరువాత రాజ్ కుమార్ హిరానీ చేస్తున్న ఈ
సినిమా ఎన్ని రికార్డ్స్ బ్రేక్ చేస్తుందో .. చూడాలి!
