ట్యాలెంటెడ్ హీరోయిన్ సాయి పల్లవి సినిమాలలో బాగా బిజీగా ఉండగానే డిజిటల్ మీడియా వైపు అడుగులు వేస్తుంది. నెట్ ఫ్లిక్స్ కు సంబంధించిన ఒక వెబ్ సిరీస్ ను ఆమె ఒప్పుకున్నట్టు సమాచారం. తమిళ దర్శకుడు వెట్రిమారన్ దర్శకత్వం వహిస్తున్న ఈ వెబ్ సిరీస్ లో ప్రకాష్ రాజ్ కూడా కీలక పాత్రలో కనిపించబోతున్నాడట.
వెట్రిమారన్ ఇటీవలే ధనుష్ తో అసురన్ అనే సినిమా తీసి సెన్సేషన్ సృష్టించాడు. ప్రకాష్ అసురన్ లో ఒక కీలక పాత్రలో నటించిన విషయం తెలిసిందే. ఇప్పుడు ఆ సినిమా తెలుగులో వెంకటేష్ హీరోగా రీమేక్ చెయ్యబోతున్నారు. ఆయననే ఈ సినిమాకు తీసుకోవాలని అనుకున్నా అందుకు ఆయన నో చెప్పారట. భాష ఇబ్బంది వల్ల ఈ సినిమా నేను చెయ్యలేను అని ఆయన చెప్పేశారట.
ఇది ఇలా ఉండగా ఈ వెబ్ సిరీస్ కు మరో ముగ్గురు దర్శకులు కూడా పని చేస్తున్నారు. సుధా కొంగర, విగ్నేష్ శివన్, గౌతమ్ మీనన్ ఈ సినిమా కోసం పని చెయ్యబోతున్నారు. విగ్నేష్ శివన్ షూట్ చేసే ఎపిసోడ్లు ఇప్పటికే షూటింగ్ పూర్తి అయిపోయాయి. ఆ భాగాలలో అంజలి, కల్కి నటించారు.
ఇది ఇలా ఉండగా సాయి పల్లవి ప్రస్తుతం తెలుగులో రెండు సినిమాలు చేస్తుంది. రానాతో విరాటపర్వం అనే సినిమా చేస్తుంది. అలాగే నాగచైతన్యతో శేఖర్ కమ్ముల డైరెక్షన్ లో ఇంకో సినిమా చేస్తుంది. ఈ సినిమాకు లవ్ స్టోరీ అనే టైటిల్ అనుకుంటున్నట్టు వార్తలు వస్తున్నాయి.
