పాయల్ రాజ్‌పుత్ ఆర్‌ఎక్స్ 100 వంటి సంచలన విజయంతో అరంగేట్రం చేశారు. అయితే ఆ తరువాత చెప్పుకోదగ్గ స్థాయిలో సినిమాలు చెయ్యలేదు. వెంకీ మామ ఒక్కటే ఎంతో కొంత చెప్పుకొదగ్గ సినిమా. ఆ సినిమా తరువాత కూడా పెద్దగా ఆమెకు అవకాశాలు రాలేదు. టాలెంట్ మరియు గ్లామర్ ఉన్నప్పటికీ, నటి ఇంకా అవకాశాలు పొందడానికి కష్టపడుతోంది.
ఇప్పుడు, నటి బంపర్ ఆఫర్ను పొందిందను వార్తలు వస్తున్నాయి. కమల్ హసన్ యొక్క భారతీయుడు 2 లోని ఐటెమ్ నంబర్ కోసం ఆమెను సంప్రదించారట. దర్శకుడు శంకర్ గ్రాండ్ గా సాంగ్స్ షూట్ చెయ్యడానికి మరియు నటీమణులను ఆకర్షణీయంగా చూపించడంలో ప్రసిద్ది చెందారు. కాబట్టి, పాయల్‌కు ఇది పెద్ద అవకాశం.
షూటింగ్ లొకేషన్‌లో జరిగిన ఒక యాక్సిడెంట్ కారణంగా కరోనా వ్యాప్తి చెందక ముందే భారతీయుడు 2 షూటింగ్ ఆగిపోయింది. ఒకసారి షూటింగులకు పర్మిషన్ రాగానే షూటింగ్ మొదలుపెట్టాలని చిత్రబృందం భావిస్తుంది. 1996 లో విడుదలైన భారతీయుడు సినిమాలో సేనాపతి అనే 70 ఏళ్ల ముసలతను వ్యవస్థలోని అవినీతిపై చేసిన పోరాటాన్ని శంకర్ చూపించాడు.
ఇప్పుడు భారతీయుడు 2 లో అదే సేనాపతి 90 ఏళ్ల వయసు వాడిలా కనిపిస్తాడట. భారతీయుడు 2 తన సినీ కేరీర్ లో చివరి సినిమా అని కమల్ ఇప్పటికే ప్రకటించారు. వచ్చే ఏడాదిలో జరిగే ఎన్నికల ముందే ఈ సినిమాని విడుదల చేసి రాజకీయంగా బెనిఫిట్ అవ్వాలని కమల్ ఆలోచన. అయితే ఈ ఆలస్యం వల్ల ఎన్నికలకు ముందు సినిమా విడుదల అవుతుందో లేదో చూడాలి.
