బాలీవుడ్ కార్పొరేట్ ప్రొడక్షన్ కంపెనీ, పెన్ స్టూడియో ఆర్ఆర్ఆర్ ఉత్తర భారత థియేటర్ హక్కులు, అలాగే అన్ని భాషలకు చెందిన ఎలక్ట్రానిక్, సాటిలైట్ మరియు డిజిటల్ హక్కులను భారీ మొత్తం చెల్లించి దక్కించుకుంది. ఈ రైట్స్‌తో సహా ఈ చిత్రం వరల్డ్‌వైడ్ ప్రీ-రిలీజ్ బిజినెస్ 750-800 కోట్ల వరకు ఉంటుందని సమాచారం.
అయితే వీటిలో చాలా వరకు డీల్స్ కరోనా కు ముందు జరిగినవే. అలా అంగీకరించిన థియేట్రికల్ ఒప్పందాలు సినిమా విడుదలయ్యే సమయానికి గౌరవించబడితే ఆ మేరకు ప్రీ-రిలీజ్ బిజినెస్ జరిగినట్టు అవుతుంది. అటువంటప్పుడు, ఈ చిత్రం 525 కోట్ల షేర్ ను రాబడితేనే హిట్ వెంచర్‌గా భావించాల్సి ఉంటుంది.
బాహుబలి 2 సుమారు 830 కోట్ల షేర్ రాబట్టింది. బాహుబలి 2 తో పోలిస్తే ఇది తక్కువ టార్గెట్ అనే అనుకోవాలి. అయితే బాహుబలి 2 రేంజ్ క్రేజ్ దక్కించుకుంటేనే అది సాధ్యపడుతుంది. ఆర్ఆర్ఆర్ ఇప్పటికే అక్టోబర్ 13 విడుదలకు ప్రకటించబడింది.
అయితే, అప్పటికి ఉత్తరాన కరోనా పరిస్థితి మెరుగుపడకపోతే జనవరి 2022 కు వాయిదా వేయవచ్చు. ప్రస్తుతానికి, ఈ చిత్రం షూటింగ్ మే నాటికి పూర్తి చేసి, విస్తృతమైన పోస్ట్ ప్రొడక్షన్ పనులు మొదలుపెట్టాలని చిత్ర బృందం భావిస్తోంది. ప్రస్తుతానికి చిత్ర నిర్మాతలు రిలీజ్ డేట్ గురించి ఆలోచన చెయ్యడం లేదు.
