వివాదాస్పద దర్శకుడు రామ్ గోపాల్ వర్మ ఇటీవలే పవర్ స్టార్ అనే పేరుతో పవన్ కళ్యాణ్ పై ఒక సినిమా తీశారు. అప్పట్లో ఇది పెద్ద వివాదమే రేకెత్తించింది. తాజాగా… ప్రజారాజ్యం రోజులలోని అల్లు అరవింద్ పాత్ర పై సినిమా తీస్తున్నట్లు వార్తలు వినిపిస్తున్నాయి. ఫిలింనగర్ లోని వార్తలను బట్టి ఈ చిత్రానికి ‘బావ రాజ్యం’ అని పేరు పెట్టారు.
అయితే ఇటువంటి వివాదాస్పద చిత్రాలను వెంటనే ఆపమని కొందరు తెలుగు చిత్ర పరిశ్రమ పెద్దలు రాముకు సందేశం పంపారని సమాచారం. ఆపకపోతే పరిశ్రమ తరపున అతనిపై చర్యలు తీసుకోవలసి వస్తుందని విశ్వసనీయంగా తెలిసింది. అయితే, నిజంగా వారు చర్యలు తీసుకునే అవకాశం ఉందా అంటే అనుమానమే.
ఎందుకంటే రాము ఈ చిత్రాన్ని తన సొంత వెబ్‌సైట్‌లో విడుదల చేస్తున్నాడు, ఇది పూర్తిగా ఫిలిం ఛాంబర్ డొమైన్ లో లేనిది. రాము పని చేసే వారంతా కొత్త వారే. ఏ రకంగానూ రాము మీద యాక్షన్ తీసుకోవడం అంత తేలిక కాదు. అయితే, ఈ రకమైన వార్నింగ్ రామ్ గోపాల్ వర్మను మరింత రెచ్చగొడుతుంది.
మరోవైపు…. ప్రస్తుతానికి, రామ్ గోపాల్ వర్మ ఈ ప్రాజెక్ట్ గురించి అధికారిక ప్రకటన చేయలేదు. అతను పవర్‌స్టార్ ఫ్రాంచైజీలో మరో మూడు సినిమాలు తీయడం గురించి మాత్రమే సూచించాడు. మరి ఈ బెదిరింపు ఆయన మీద ఎటువంటి ప్రభావం చూపుతుందో చూడాలి.
