మెగా పవర్ స్టార్ రామ్ చరణ్ కెరీర్లో ల్యాండ్మార్క్ చిత్రాలలో రంగస్థలం ప్రథమం అనడంలో ఎటువంటి సందేహం లేదు. ఈ చిత్రం కమర్షియల్ సక్సెస్తో పాటు, ఈ చిత్రంలో రామ్ చరణ్ నటన ప్రధాన హైలైట్. ఇప్పుడు ఈ మూవీ తమిళంలో రీమేక్ కావడానికి సిద్ధంగా ఉంది కానీ రీమేక్ లోని కాస్టింగ్ నిరాశపరిచిందనే చెప్పుకోవాలి.
రీమేక్లో రామ్ చరణ్ పాత్రను లారెన్స్ రాఘవేంద్ర పోషించనుండగా, నిక్కీ గల్రానీ సమంతా పాత్రను పోషిస్తున్నారు. రామ్ చరణ్ పాత్రను అభిమానులు జీర్ణించుకోలేకపోతే, సమంతా పాత్రకు ఎంపిక ఇంకా ఘోరంగా ఉంది. కాబట్టి, ఇది ఈ వార్త అన్ని విధాలుగానూ నిరాశ పరచింది అనే చెప్పుకోవాలి.
మెగా అభిమానులు బదులుగా ఈ చిత్రాన్ని మిగతా భారతీయ భాషల్లోకి డబ్ చేయాలనుకుంటున్నారు, తద్వారా రామ్ చరణ్ అన్ని భాషల్లోని అభిమానులను సంపాదించుకోగలడని వారి ఉద్దేశం. కానీ ఇప్పుడు అలా జరగడం లేదనిపిస్తోంది. క్రియేటివ్ డైరెక్టర్ సుకుమార్ దర్శకత్వం వహించిన విలేజ్ రివెంజ్ డ్రామా రంగస్థలం.
రామ్ చరణ్ మొట్టమొదటి 100 కోట్ల సినిమా. తన నటన మీద వచ్చే విమర్శలను కూడా రామ్ చరణ్ ఈ సినిమాతో పోగొట్టుకున్నాడు. మరోవైపు… రామ్ చరణ్ కరోనా కేసుల ఉదృతి ఎప్పుడు తగ్గుతుందా అని చూస్తున్నాడు. అతను ఆర్ఆర్ఆర్ మిగిలిన పోర్షన్ పూర్తి చెయ్యాల్సి ఉంది.. అలాగే చిరంజీవి ఆచార్య సినిమాలో అతిధ పాత్ర కోసం షూట్ చెయ్యాల్సి ఉంది.