కరోనా వైరస్ క్రైసిస్ సమయంలో పరిస్థితులను ధైర్యంగా ఎదురుకుని షూట్ తిరిగి ప్రారంభించడాన్ని అధికారికంగా ధృవీకరించిన మొదటి పెద్ద టాలీవుడ్ స్టార్ యంగ్ రెబెల్ స్టార్ ప్రభాస్. సెప్టెంబరు రెండవ వారం నుంచి తన తదుపరి రాధే శ్యామ్ షూటింగ్‌ను తిరిగి ప్రారంభించడానికి ఆయన సిద్ధంగా ఉన్నారని సమాచారం. ఈ విషయాన్ని ఆ చిత్ర దర్శకుడు అధికారికంగా వెల్లడించారు.
మరోవైపు అక్టోబర్ 23వ తారీఖున ఈ సినిమా ఫస్ట్ లుక్ టీజర్ విడుదల చెయ్యనున్నట్టు సమాచారం. ఆ రోజు ప్రభాస్ బర్త్ డే కావడంతో అదే రోజు టీజర్ విడుదల చెయ్యాలని చిత్రబృందం భావిస్తుంది. రాధే శ్యామ్ లాక్ డౌన్ కు ముందు దాని షూటింగ్లో 60% పూర్తి చేసింది. ఇంతకుముందు, దసరా కోసం సినిమాను విడుదల చేయాలనే ఆలోచన ఉంది, కాని అప్పుడు సమ్మర్ 2021 వరకు వాయిదా వేయవచ్చు.
ఈ చిత్రంలో ప్రభాస్ సరసన పూజ హెగ్డే హీరోయిన్ గా నటిస్తుంది. అయితే ఈ చిత్రానికి మ్యూజిక్ డైరెక్టర్ ఎవరు అనేది ఇప్పటివరకూ కంఫర్మ్ కాలేదు. ఈ సినిమా హిందీ హక్కులను టి. సిరీస్ తీసుకొంది. టి.సిరీస్ పాలసీ ప్రకారం ఒక సంగీత దర్శకుడికి రెండు పాటలుకి మించి ఇవ్వరు. అంటే ఒకే సినిమా ఆల్బంలో ఇద్దరు ముగ్గురు సంగీత దర్శకులు పాటలు ఇస్తారు.
రాధే శ్యామ్ తరువాత, ప్రభాస్ మరో రెండు చిత్రాలను సైన్ చేశాడు – నాగ్ అశ్విన్‌తో ఇంకా పేరు పెట్టని చిత్రం మరియు తన్హాజీ ఫేమ్ ఓం రౌత్‌తో ఆదిపురుష్. ఈ రెండు సినిమాలను కూడా 2022లోగా విడుదల చెయ్యాలని ప్రభాస్ వ్యూహంగా ఉంది. ఆదిపురుష్ ప్రభాస్ కెరీర్ లో మొట్టమొదటి డైరెక్టు బాలీవుడ్ సినిమా కావడం విశేషం.
