నా జీవితానికి ఇంత ఇచ్చిన ప్రజలకు ఏం చేయకపోతే ద్రోహం చేసినవాడిని అవుతానని నా మనస్సాక్షికి ఇబ్బంది కలిగి రాజకీయాలలోకి వచ్చానని ప్రజాపోరాట యాత్రలో భాగంగా పవన్ కళ్యాణ్ చెప్పుకొచ్చారు. 60 ఏళ్ళ వయసులో కూడా రావచ్చు, పిల్లలందరికీ పెళ్ళిళ్ళు చేసేసి మనవళ్ళు పుట్టిన తర్వాత వస్తే ప్రయోజనం ఏముంది? వయసులో ఉన్నపుడు కదా వస్తే ప్రయోజనం… అంటూ ఇప్పుడే రాజకీయాల్లోకి రావడంపై స్పష్టత ఇచ్చారు.
పోరాటం చేయడానికి బలం ఉంటుంది, దెబ్బకొడితే ఎదురుదెబ్బ కొట్టగలం మళ్ళీ ఇపుడు, అప్పుడైతే మళ్ళీ శాంతం వస్తుంది, వీళ్ళని ఏమైనా అంటే నా మనవళ్ళని ఏమైనా చేస్తారు, ఇప్పుడు నాకు అలాంటిదేమీ లేదు… అంటూ తన అభిమానులను ఉత్సాహపరిచే ప్రసంగాన్ని ఇచ్చారు. అలాగే ఈ సందర్భంగా ఆటో నడపడం ఎంత కష్టమో అంటూ చెప్పిన డైలాగ్ లు కూడా స్థానికంగా ఆకట్టుకున్నాయి. అయితే ఒక దానికొకటి మరొకటి సంబంధం లేకుండా వ్యాఖ్యానించడంలో మరోసారి తన మార్క్ ను చాటుకున్నారు.