పవర్ స్టార్ పవన్ కళ్యాణ్ యొక్క హరి హర వీరమల్లు ఫస్ట్ లుక్ పోస్టర్ మరియు మోషన్ పోస్టర్ నిన్న మహాశివరాత్రి సందర్భంగా విడుదల చేశారు. ఈ రెండిటికి అభిమానుల నుండి మంచి స్పందన వచ్చింది.క్రిష్ దర్శకత్వంలో వస్తున్న ఈ సినిమా షూటింగ్ ఇప్పటివరకు 40% పూర్తయిందని మనకున్న సమాచారం
జూలై నాటికి షూటింగ్ పూర్తి చేసి , నిర్మాణానంతర పనులకు వెళ్ళాలని మేకర్స్ ఆశాభావం వ్యక్తం చేస్తున్నారు. వీఎఫ్ఎక్స్ పని కోసం వారు ఆరు నెలల సమయాన్ని కేటాయించారు. ఇది పవన్ కళ్యాణ్ కేరీర్ లో మొట్టమొదటి పీరియడ్ సినిమా. సినిమా అంచనాలు కూడా భారీగా ఉండబోతున్నాయి. అందుకే వీఎఫ్ఎక్స్ విషయంలో ఎక్కడా రాజీ పడకూడదని అనుకుంటున్నారు.
ఈ చిత్రం సంక్రాంతి 2022 విడుదల కోసం ఇప్పటికే ప్రకటించబడిందని మనందరికీ తెలుసు. పవన్ కళ్యాణ్ ఈ చిత్రం మరియు అతని అయ్యప్పనమ్ కోషియం రీమేక్ ఒకేసారి షూటింగ్ చేస్తున్నారు. అయితే అయ్యప్పనమ్ కోషియం రీమేక్ ఈ ఏడాదిలోనే ప్రేక్షకుల ముందుకు వస్తుంది. సీనియర్ సంగీత దర్శకులు ఎంఎం కీరవణి ఈ చిత్రానికి సంగీతం సమకూర్చుతున్నారు.
ఆయన పవన్ కళ్యాణ్‌తో కలిసి పనిచెయ్యడం ఇదే మొదటిసారి. ఈ సినిమాలో నిధి అగర్వాల్ మహిళా ప్రధాన పాత్ర పోషించింది. బాలీవుడ్ నటులు అర్జున్ రాంపాల్, జాక్వెలిన్ ఫెర్నాండెజ్ కీలక పాత్రల్లో కనిపించనున్నారు. గత కొంత కాలంగా ఫామ్ లో లేని క్రిష్ ఈ సినిమా మీద భారీ ఆశలే పెట్టుకున్నాడు.
