‘జనసేన’ అభిమానుల ‘గుండెల్లో’ బాంబు పేల్చిన ‘పవన్ కళ్యాణ్’

janasena-pawan-kalyan-no-public-meetingఅవును… ఇప్పుడిప్పుడే బహిరంగ సభల ద్వారా రాజకీయంగా యాక్టివ్ అవుతున్న ‘జనసేన’ అధినేత పవన్ కళ్యాణ్… అభిమానుల గుండెల్లో ఒక బాంబు పేల్చారు. అదేమిటంటే… ఇక ముందట బహిరంగ సభలను ఏర్పాటు చేయరంట. స్వయంగా పవన్ కళ్యాణే ఈ విషయాన్ని తెలిపారు. కాకినాడ సభలో మరణించిన వ్యక్తి కుటుంబాన్ని పరామర్శించిన తర్వాత ఈ నిర్ణయాన్ని వెల్లడించారు పవన్ కళ్యాణ్. అయితే ఒక రకంగా ఇదొక షాకింగ్ లాంటి వార్త.

ఒక అభిమాని ప్రాణాలు కోల్పోవడం అనేది పవన్ కు నిజంగా బాధ కలిగించే విషయమే. అందులో మరో ఆలోచనకు తావు లేదు. ఆర్ధిక పరంగా 5 లక్షలు ఇచ్చినా, మానసికంగా ఎంత ఓదార్చినా ఆ కుటుంబంలో జరగరానిదే జరిగింది. దీనికి పరోక్షంగా పవన్ కళ్యాణ్ కారకుడు అవుతాడేమో కానీ, ప్రత్యక్షంగా కాదన్న విషయాన్ని పవన్ తెలుసుకోవాలి. బహిరంగ సభకు వచ్చిన వారు ఎవరి భద్రత వారు చూసుకోవాలి. ఇది కూడా ఒక సామాజిక బాధ్యత. అలాగే తన కార్యకర్తలకు ఒక క్రమశిక్షణ అలవాటు చేయాలి.

కానీ, ఆ దిశగా ఆలోచనలు చేయకుండా అసలు సభ పెట్టకుండా ఉంటే ఎవరూ రారు కదా… ఏమీ జరగదు కదా అంటే… అది సరైన పద్ధతి కాదు. ముఖ్యంగా రాజకీయ జీవితంలో ఇది ఆచరణకు సాధ్యం కాని విషయం. ఇక్కడే మరో ఉదాహరణ కూడా చెప్పుకోవాలి. పవన్ కళ్యాణ్ “పంజా” సినిమా ఆడియో విడుదల సమయంలో కూడా ఒక అభిమాని ఇలాగే దుర్మరణం పాలైన విషయం తెలిసిందే. మరి అప్పటినుండి పవన్ ఆడియో వేడుకలను కూడా బహిష్కరించాలి కదా?!

మొన్నటి ‘సర్ధార్ గబ్బర్ సింగ్’ వరకు ఆడియో వేడుకలను విజయవంతంగా నిర్వహిస్తూనే ఉన్నారు. అయితే ఆడియో వేడుక ముగింపు సమయంలో… ఇంటికి జాగ్రత్తగా వెళ్ళమని అభిమానులకు పిలుపునిచ్చేవారు. ఇంకా చెప్పాలి అంటే… సినిమా టికెట్ల కోసం క్యూలలో నిల్చుని, ఎగబడి మరణించిన అభిమానుల సంఖ్యకు కొదవలేదు. పవన్ కళ్యాణ్ సినిమాలకు కూడా చాలా సందర్భాలలో జరిగాయి. మరి అప్పుడే పవన్ సినిమాల నుండి వైదొలగాల్సింది కదా!

ఏదైనా ఒక ఉదంతం జరిగినపుడు దానిని అధిగమించే విధంగా తదుపరి ఎలాంటి జాగ్రత్తలు తీసుకుని ముందుకు సాగాలి అని ఆలోచనలు చేసుకోవాలే గానీ, ఇలా నిరుత్సాహంలోకి వెళ్ళిపోతే “నాయకుడు”గా పవన్ ఎప్పుడు ఎదుగుతాడు? ‘జనసేన’ను ఎప్పుడు ప్రజల్లోకి తీసుకువెళ్తాడు? ఇప్పటికే ప్రజా జీవితంలో వచ్చి మెగాస్టార్ చిరంజీవి నవ్వుల పాలయ్యారు, అవుతూనే ఉన్నారు కూడా! చివరికి… పవన్ కళ్యాణ్ కూడా అదే బాటలో నడుస్తాడేమో అన్న ఆందోళన అభిమానుల్లో వ్యక్తమవుతోంది.



Follow Mirchi9 on Google News

This Week Releases on OTT – Check ‘Rating’ Filter

Hiring Content Writer: We are looking to hire a ‘Telugu’ content writer. Send your sample articles to [email protected]

heroine Tollywood Mubmai ExpensesDon't MissInside Story: Heroine Sucking Producer's Blood With Mumbai BatchShe is one of the top heroines in Telugu film industry. Despite a slow start...రాజు గారికి మరీ ఎటకారం ఎక్కువండి!Don't Missశోభనం టాక్స్... ఏం ఎటకారం గురూ..!ఆంధ్రప్రదేశ్ రాష్ట్ర ముఖ్యమంత్రి జగన్ మోహన్ రెడ్డి ప్రవేశపెట్టిన 'వైఎస్సార్ జగనన్న హోసింగ్ ప్రాజెక్ట్' 5%పై సోషల్ మీడియాలో పెద్ద...Jr NTR Bheem - RRR MovieDon't Missఆర్ఆర్ఆర్... ఫోటోషాప్ పోస్టరా..?రాజమౌళి తెరకెక్కించిన "ఆర్ఆర్ఆర్"కు సంబంధించి రెండు పోస్టర్లను సోమవారం నాడు చిత్ర యూనిట్ రిలీజ్ చేసింది. తొలుత జూనియర్ ఎన్టీఆర్,...పుష్ప... 'ఫైర్' అనుకొంటివా... 'ఫ్లవర్..!'Don't Missపుష్ప ట్రైలర్... 'కంటెంట్'లో కన్ఫ్యూషన్..!'ఆర్య, ఆర్య 2' తర్వాత సుకుమార్ - అల్లు అర్జున్ కాంభినేషన్ లో వస్తోన్న "పుష్ప" సినిమాపై సినీ పరిశ్రమలో...Akhanda in Mass theatresDon't Miss'కడప'లో కూడా 'కమ్మ' వాళ్ళే కొంటున్నారా?ఏదైనా ఒక మంచి జరిగినపుడు దానిని ఆహ్వానించాలి గానీ, బురద జల్లే ప్రయత్నం చేయకూడదు. ప్రస్తుతం "అఖండ" సినిమాపై ఓ...

Mirchi9