పవర్‌స్టార్ పవన్ కళ్యాణ్ పక్కన హీరోయిన్ పాత్ర పోషించడానికి అయ్యప్పనమ్ కోషియం రీమేక్ తయారీదారులు సాయి పల్లవితో చర్చలు జరిపిన విషయం మన పాఠకులకు తెలుసు. అయితే కారణం ఏదైనా అది వర్క్ అవుట్ కాలేదు…. మేకర్స్ ఆమె స్థానంలో ఇప్పుడు నిత్యా మీనన్ను తీసుకువచ్చారని విశ్వసనీయంగా తెలిసింది
ఇది పెర్ఫార్మన్స్ ఓరియెంటెడ్ పాత్ర .. గ్లామర్ పాత్ర కాదు. కాబట్టి, నిత్యా మీనన్ పాత్రకు బాగా సరిపోతుందని అంటున్నారు. అయితే సాయి పల్లవి క్రేజీ హీరోయిన్… ఆమె ఉంటే సినిమాకు ఆ మేరకు క్రేజ్ కూడా యాడ్ అవుతుంది. కాబట్టి ఈ ఛాయస్ మీద మెగా అభిమానులు అంత హ్యాపీగా అయితే లేరు.
ఇప్పటికే ఈ సినిమా కోసం రానాకు ఐశ్వర్య రాజేష్ మహిళా జంటగా ధృవీకరించబడింది. విజయ్, ఎన్టీఆర్, అల్లు అర్జున్ వంటి టాప్ స్టార్లతో నిత్యా మీనన్ ఇదివరలో జత కట్టారు. అయితే గత కొంత కాలంగా ఆమె లైమ్ లైట్ లో లేదు. కావున ఆమె వరకు మాత్రం ఇది పెద్ద అవకాశమే అని చెప్పుకోవచ్చు.
అప్పట్లో ఒకడుండేవాడు ఫేమ్ సాగర్ కె చంద్ర ఈ చిత్రానికి మెగాఫోన్‌ను పట్టుకున్నారు. త్రివిక్రమ్ శ్రీనివాస్ ఈ చిత్రానికి స్క్రిప్ట్ పని చూస్తున్నారు. ఈ చిత్రానికి తమన్ సంగీతం సమకూర్చనున్నారు. వకీల్ సాబ్ తరువాత పవన్ తో థమన్ కు ఇది రెండో సినిమా. పవన్ కళ్యాణ్ ఈ సినిమా కోసం ఒక పాటను పాడనున్నట్టు తమన్ ఒక ఇంటర్వ్యూలో వెల్లడించారు.
