ఇటీవల కాలంలో సామాజిక మాధ్యమాల్లో టాలీవుడ్ టాప్ హీరోయిన్ రకుల్ ప్రీత్ సింగ్ చాలా యాక్టివ్‌గా ఉంటోంది. తనకు సంబంధించిన ప్రతిదీ పోస్ట్ చేస్తూ అభిమానులకు దగ్గరయ్యేందుకు ప్రయత్నిస్తోంది. అయితే ఆ క్రమంలో తాజాగా చేసిన ఓ ప్రయత్నం ఈ ముద్దుగుమ్మకు బాగా దెబ్బకొట్టింది. తన ఇన్‌స్టాగ్రాంలో పోస్ట్ చేసిన ఓ ఫోటోపై నెటిజన్లు విరుచుకుపడుతున్నారు.
‘మనలోని చిన్న పిల్లల మనస్తత్వాన్ని ఎప్పటికీ అలాగే ఉండిపోనివ్వాలి’ అంటూ అల్ట్రా మోడ్రన్ డ్రెస్‌తో ఉన్న ఫోటోను పోస్ట్ చేసింది. ఈ కాస్ట్యూమ్ పై ఫైర్ అవుతూ… “నీ జాకెట్ చాలా చెత్తగా ఉంది అని ఒకరు, బిచ్చగాళ్లే నయం ఇంతకంటే మంచి డ్రెస్సులు వేసుకుంటారని మరొకరు, సినిమా అవకాశాల్లేక, డబ్బుల్లేక రోడ్ పక్కన కొన్న డ్రెస్సులు వేసుకుంటున్నావా?” అంటూ వివిధ రకాలుగా మండిపడుతున్నారు.
