అగ్ర నటి నయనతారకు తన ప్రేమ జీవితంలో గతంలో చాలా చెడ్డ అనుభవాలు ఉన్నాయి. శింబు, ప్రభుదేవా వంటి వారితో ఆమె డేటింగ్ చేసి ఆ తరువాత వారితో విడిపోవడాన్ని మేము చూశాము. ఆమె గత కొన్నేళ్లుగా దర్శకుడు విఘ్నేష్ శివన్ తో కలిసి ఉంటుంది. నయన్, విఘ్నేష్ నాలుగేళ్లుగా డేటింగ్ చేస్తున్నారు.
కెరీర్‌లో అనుకున్నవి సాధించాకనే పెళ్లి చేసుకుంటామని ఇటీవల విఘ్నేష్ వెల్లడించాడు. ఈ జంట తరచుగా తమ హాలిడే కోసమంటూ అనేక దేశాలు చుట్టివస్తూ ఉంటారు. అయితే కరోనా కారణంగా ఈ సారి అది కుదరకపోవడంతో గోవా తో సరిపెట్టుకుంది ఈ జంట. నయనతార ఇటీవలే గోవాలో విఘ్నేష్ పుట్టినరోజు జరిపింది.
వారి మూడు రోజుల పర్యటన కోసం ఆమె 25 లక్షలు ఖర్చు చేసినట్లు కోలీవుడ్ వర్గాలు తెలిపాయి. ఈ విషయం కోలీవుడ్‌లో హాట్ టాపిక్‌గా మారింది. నయనతార విఘ్నేష్ శివన్ తదుపరి దర్శకత్వం వహిస్తున్న చిత్రాన్ని నిర్మిస్తుంది. ఇందులో ఆమె ప్రధాన నటీమణులలో ఒకరిగా కూడా కనిపిస్తుంది.
ఇలా ప్రియుడి కోసమంటూ డబ్బులు వెదజల్లుతుంది ఈ స్టార్ హీరోయిన్. నయనతార దక్షిణాదిన అత్యధిక పారితోషికం తీసుకునే హీరోయిన్. తెలుగులో ఆమెకు పెద్దగా డిమాండ్ లేకపోయినా తమిళంలో వరుస సినిమాలు చేస్తూ బిజీగా ఉంటుంది. కాబట్టి పాతిక లక్షలు ఆమెకు పెద్ద లెక్క కాదు.
