కొన్ని రోజులుగా సరైన హిట్లు లేక ఉన్న న్యాచురల్ స్టార్ నాని ఈ మధ్య కాలంలో ప్రామిసింగ్ సినిమాలు లైన్ చేశాడు. అదే క్రమంలో ఈ ఏడాది మూడు సినిమాలు విడుదల అయ్యేలా ప్లాన్ చేసుకున్నాడు. ఉగాదికి వీ, జులైలో టక్ జగదీష్, డిసెంబర్ లో శ్యామ్ సింగ రాయ్ విడుదలకు సన్నాహాలు చేశాడు. అయితే ఈ ప్లాన్ డిస్టర్బ్ అయ్యే అవకాశాలు ఉన్నాయి.
కరోనా వైరస్ కారణంగా ఈ నెల 25న విడుదల కావాల్సిన వీ ఆగిపోయింది. ఏప్రిల్ లో విడుదల అయ్యే అవకాశం ఉంది. అది కూడా పరిస్థితులు అప్పటికి చక్కబడితేనే. అదే సమయంలో ఇదే కారణంగా టక్ జగదీష్ షూటింగ్ మధ్యలో ఆపేయాల్సి వచ్చింది. దీనితో అసలు ఈ ఏడాది నాని మూడు సినిమాలు విడుదల చెయ్యగలడా అనేది చూడాల్సి ఉంది.
ఇది ఇలా ఉండగా.. నిర్మాత దిల్ రాజు వీ సినిమా కొత్త విడుదల తేదీని ఇంకా వెల్లడించలేదు. దిల్ రాజు ఈ చిత్రానికి కొత్త విడుదల తేదీగా ఏప్రిల్ 17 లేదా ఏప్రిల్ 24 న చూస్తున్నారు. ఈ కారణంగా, ఏప్రిల్ మూడవ వారంలో విడుదల కావాల్సిన సినిమాలు మేకు మారవలసి ఉంటుంది.
కాబట్టి, కొత్త విడుదల తేదీలను ఖరారు చేయడానికి సినీ పెద్దల సమక్షంలో సినీ నిర్మాతలందరి సమావేశం అవసరం. ఏప్రిల్ నుండి సాధారణ స్థితిని పునరుద్ధరించినట్లయితే మాత్రమే ఇవన్నీ జరిగే అవకాశం ఉంటుంది. ఈ ఏడాది జానుతో బాగా నష్టపోయిన దిల్ రాజు వీ విషయంలో విడుదల నుండే ఇబ్బందులు పడుతున్నారు.
