బుల్లితెరపై ‘అన్ స్టాపబుల్’ అంటూ నందమూరి నటసింహం చేసిన సందడి గురించి ప్రత్యేకంగా చెప్పనవసరం లేదు. మంచు ఫ్యామిలీతో మొదలుపెట్టి, ఆ తదుపరి నాచురల్ స్టార్ తో హంగామా చేసిన బాలయ్య షోకు మూడవ వారం బ్రేకులు పడ్డాయి.
కొన్ని అనివార్య కారణాల వలన ఈ వారం షో రావడం లేదని ఆహా ప్రకటించింది. అప్పటివరకు గత రెండు షోలను ఎంజాయ్ చేయండి అంటూ ఆహా చేసిన ప్రకటనపై బాలయ్య ఫ్యాన్స్ తో పాటు నెటిజన్లు కూడా మండిపడుతున్నారు.
బాలయ్యతో మూడవ వారం షో విజయ్ దేవరకొండ గానీ, మెగాస్టార్ చిరంజీవితో గానీ లీకులు రావడంతో, వీక్షకులు ఎంతో ఆసక్తిగా ఎదురు చూసారు. ఇపుడు దానికి బ్రేకులు పడడంతో విమర్శల పర్వం మొదలైంది. ఆహాలో ఈ వారం ‘మోస్ట్ ఎలిజిబుల్ బాచిలర్’ ప్రదర్శితం అవుతుండడంతో, ఈ వారానికి తాత్కాలిక విరామాన్ని ఇచ్చినట్లుగా తెలుస్తోంది.
