‘సరైనోడు’ సినిమా వేడుకలో పవన్ కళ్యాణ్ గురించి చెప్పాలని మెగా అండ్ ‘పవర్ స్టార్’ అభిమానులు అడిగిన దానికి ‘చెప్పను బ్రదర్’ అంటూ అల్లు అర్జున్ సమాధానమివ్వడం… ఆ తర్వాత జరిగిన కధ కమామీషు అందరికీ తెలిసిందే. ‘మెగా’ బ్రాండ్ నుండి ‘అల్లు’ బ్రాండ్ కు తీసుకురావడంలో ఈ ఉదంతం ఎంతగానో దోహదపడింది.
కట్ చేస్తే… తాజాగా జరిగిన “అఖండ” ప్రీ రిలీజ్ ఈవెంట్ లో నందమూరి అభిమానులు ‘జై బాలయ్య’ అనాలంటూ అల్లు అర్జున్ ను డిమాండ్ చేసారు. బన్నీ మైక్ పట్టుకున్న టైం నుండి ‘జై బాలయ్య’ అంటూ నినాదాలు చేస్తున్న అభిమానుల తీరుకు స్పందింస్తూ… ‘ఖచ్చితంగా చెప్తా’ అంటూ నవ్వుతూ ఫ్యాన్స్ ను ఉత్తేజ పరిచారు.
ఫైనల్ గా “మీ అందరి ప్రేమ… మీ అందరి అభిమానం కోసం… జై బాలయ్య” అంటూ బన్నీ నినదించిన తర్వాత ఆడిటోరియం అంతా మారుమ్రోగింది. నాడు పవన్ ఫ్యాన్స్ ను నిరుత్సాహపరిచిన బన్నీ, నందమూరి అభిమానులను మాత్రం ఖుషీలో ముంచెత్తారు. బహుశా బన్నీలో వచ్చిన పరిణితికి ఇది అద్దం పడుతుందేమో!