కల్యాణ్ రామ్ హీరోగా తమన్నా కథానాయికగా ‘నా నువ్వే’ సినిమా రూపొందింది. తాజాగా ఈ సినిమా నుంచి ట్రైలర్ ను రిలీజ్ చేశారు. లవ్ .. ఎమోషన్ కి ఎక్కువ ప్రాధాన్యతనిస్తూ, అందుకు సంబంధించిన సన్నివేశాలపై ట్రైలర్ ను కట్ చేశారు.
ఇది రొమాంటిక్ లవ్ స్టోరీ కావడంతో, ఆ యాంగిల్ లోనే యూత్ కి నచ్చేలా ఈ ట్రైలర్ ను వదిలారు. దర్శకుడు జయేంద్ర ఈ ట్రైలర్ ద్వారా కంటెంట్ ను చెప్పడంలో సక్సెస్ అయ్యాడు. డిఫరెంట్ లుక్ తో కల్యాణ్ రామ్ కనిపిస్తూ ఉంటే, తమన్నా మరింత గ్లామర్ గా అనిపిస్తోంది.
త్వరలోనే ఈ సినిమాను ప్రేక్షకుల ముందుకు తీసుకురావడానికి సన్నాహాలు చేస్తున్నారు. కొంతకాలంగా సక్సెస్ కోసం వెయిట్ చేస్తోన్న కల్యాణ్ రామ్ కి ఈ సినిమా హిట్ ఇస్తుందేమో చూడాలి. కొత్తదనం లేని లవ్ + ఎమోషన్ ట్రైలర్ గా టాక్ తెచ్చుకున్న ఈ సినీ ధియేటర్ లలో ఎలాంటి అనుభూతులు పంచుతుందో చూడాలి.
