ప్రస్తుతం వైసీపీలో పాదయాత్రల పర్వం కొనసాగుతున్న విషయం తెలిసిందే. దీని ప్రభావం ఎలా ఉన్నా గానీ, ‘జగన్ అండ్ కో’ కాళ్ళకు పనిచెప్పిన మాట వాస్తవం. ఓ పక్కన జగన్ పాదయాత్ర ‘ఫ్రైడే’ బ్రేక్స్ తో నిర్విరామంగా కొనసాగుతుండగా, మరో పక్కన రోజా వంటి ఔత్సాహిక నేతలు తమ తమ నియోజకవర్గాలలో రోడ్ల మీదకు వచ్చారు.
ఎప్పుడూ ఏసీ గదులలో, ఏసీ కార్లల్లో మాత్రమే ఉండే ఈ మహామహులంతా రోడ్ల మీదకు రాగానే సహజంగానే కాళ్ళకు బొప్పలు కడతాయి. ఇలాంటివి సామాన్య ప్రజలకు సర్వ సాధారణం. ఒక విధంగా చెప్పాలంటే అసలు వీటిని లెక్కే చేయరు. కానీ వైసీపీ నేతలకు మాత్రం ఇదో పెద్ద విషయం. అందుకే జగన్ మీడియా వేదికలుగా జగన్ అండ్ రోజా కాళ్ళ దర్శనాలను చేయిస్తున్నారు.
ముఖ్యంగా రోజా అయితే తన కాళ్ళు చూపించాలంటూ చేసిన సైగలకు సంబంధించిన వీడియో సోషల్ మీడియాలో గత కొన్ని గంటలుగా చక్కర్లు కొడుతోంది. సినిమాలలో అద్భుతంగా నటించే రోజాను ఎలా చూపించారో కెమెరామెన్ మరియు దర్శకులకు బాగా తెలుసు. కానీ పొలిటికల్ కెరీర్ కు వచ్చేపాటికి కెమెరామెన్లు కేవలం న్యూస్ కు మాత్రమే ప్రాధాన్యత ఇస్తారు.
ఆ క్రమంలోనే రోజా నడిచి వస్తుండగా, చుట్టుప్రక్కన ఉన్న మందిగాములను మరియు రోజాను చిత్రీకరించే ఉన్న కెమెరామెన్ కు రోజా తన కాళ్ళు చూపించాలంటూ సైగ చేయడం, ఇది కాస్త మీడియాలో రికార్డు కావడంతో రెడ్ హ్యాండెడ్ గా దొరికిపోయినట్లయ్యింది. రోజా సైగల తర్వాత సదరు కెమెరామెన్ కూడా చెప్పులు లేని రోజా కాళ్ళను చూపించడంలో దృష్టి కేంద్రీకరించాడు.
నా కాళ్ళు చూపించు.. నా కాళ్ళు చూపించు అని క్యామెరామెన్ కి డైరెక్షన్స్ ఇస్తూ అడ్డంగా దొరికిపోయిన రోజా.
>> ఇది ఎన్నో సెల్ఫ్ గోల్ అక్కాయ్? pic.twitter.com/7yeDDDD2ul— anigalla (@anigalla) December 1, 2017