మాస్ మహారాజ్ రవితేజ తదుపరి చిత్రాన్ని ఖిలాడిని ఈ ఉదయం అధికారికంగా ప్రకటించారు. అలాగే ఈ చిత్రం యొక్క ఫస్ట్ లుక్ పోస్టర్‌ను మేకర్స్ విడుదల చేశారు. అతను ఫుల్ బ్లాక్ డ్రెస్ లో నటుడు ఆకట్టుకునేలా కనిపించాడు. రవితేజ తన క్రాక్ పూర్తి చేసిన తర్వాత ఈ చిత్రం షూటింగ్ మొదలుపెడతాడు.
రవితేజ సరసన మీనాక్షి చౌదరి, డింపుల్ హయతి కథానాయికలుగా కనిపిస్తారు. మీనాక్షి ప్రస్తుతం సుశాంత్ యొక్క ఇచ్చట వాహనములు నిలుపరాదు చిత్రంతో తెరంగేట్రం చేస్తోంది. మెగా ప్రిన్స్ వరుణ్ తేజ్ యొక్క గద్దలకొండ గణేష్ లో డింపుల్ హయాతి ఒక ఐటెమ్ సాంగ్ చేసి మాస్ ప్రేక్షకులను అలరించింది.
రమేష్ వర్మ డైరెక్ట్ చేసే ఈ సినిమాకు అగ్రశ్రేణి సాంకేతిక బృందం పని చేస్తుంది. దేవి శ్రీ ప్రసాద్ సంగీత స్వరకర్త. లూసిఫెర్ ఫేమ్ సుజిత్ వాసుదేవ్ సినిమాటోగ్రఫీని నిర్వహిస్తున్నారు. రామ్-లక్ష్మణ్ ఫైట్లను పర్యవేక్షిస్తారు. రవితేజ డ‌బుల్ రోల్ చేస్తున్న ఈ సినిమాని స‌త్య‌నారాయ‌ణ కోనేరు నిర్మిస్తున్నారు. ఏ స్టూడియోస్‌తో క‌లిసి బాలీవుడ్ నిర్మాణ సంస్థ పెన్ స్టూడియోస్ ఈ సినిమాను నిర్మిస్తోంది.
దేవిశ్రీ ప్రసాద్ సోద‌రుడు సాగ‌ర్‌తో పాటు శ్రీ‌కాంత్‌, విస్సా డైలాగ్స్ రాస్తున్న ఈ చిత్రానికి శ్రీ‌మ‌ణి సాహిత్యం అందిస్తున్నారు. అమ‌ర్ రెడ్డి ఎడిట‌ర్‌గా ప‌నిచేస్తున్నారు. రమేష్ వర్మ రవితేజ గతంలో వీరా అనే ప్లాప్ ని అందించారు. అయితే ఇప్పుడు రమేష్ వర్మ తన గత సినిమా రాక్షసుడు హిట్ కావడంతో కాన్ఫిడెంట్ గా ఉన్నాడు.
