తెలుగు సంస్కృతి, సంప్రదాయాలు తెలిసేలా గౌతమ్, సితారలను పెంచుతున్న మహేష్ – నమ్రతలు ఎప్పటికప్పుడు, వీటికి సంబంధించిన ఫోటోలను సోషల్ మీడియాలో పంచుకుంటూ ఉంటారు. తాజాగా వినాయకుని నిమజ్జనంలో ప్రిన్స్ తనయుడు గౌతమ్ పాల్గొన్న ఫోటో ఒకటి సోషల్ మీడియాలో సందడి చేస్తోంది. వినాయకచవితి పండగను జరుపుకున్న తీరుపై నమ్రత, ఇటీవల ఓ ఫోటోను పోస్ట్ చేసిన విషయం తెలిసిందే.
తాజాగా ఆ వినాయకుని నిమజ్జన కార్యక్రమంలో పాలుపంచుకున్నాడు గౌతమ్. తలకు ‘గణపతి బప్పా మోరియా’ అనే బ్యాండ్ కట్టుకున్న గౌతమ్ లుక్ ఆకట్టుకునే విధంగా ఉంది. చిన్నప్పటి నుండే దైవ కార్యక్రమాలను అలవాటు చేస్తున్న మహేష్ – నమ్రతలను అభినందించాల్సిందే. విలువలకు వీడ్కోలు ఇచ్చేలా రాబోతున్న తరం ప్రవర్తన ఉంటుండడంతో, వాటికి దూరంగా మహేష్ వంటి సెలబ్రిటీలు తమ పిల్లలను పెంచుతుండడం ఆహ్వానించదగ్గ పరిణామం.
