సూపర్ స్టార్ మహేష్ బాబు స్పైడర్ సినిమాకు తమిళ స్టార్ డైరెక్టర్, ఎఆర్ మురుగదాస్‌తో కలిసి పనిచేశారు. ఈ చిత్రం మహేష్ బాబు యొక్క మొదటి తెలుగు – తమిళ ద్విభాషా చిత్రం. కానీ అది హైప్‌ ను అందుకోలేక విఫలమైంది. స్పైడర్ ఇటీవలి కాలంలో అతిపెద్ద డిజాస్టర్లలో ఒకటిగా నిలిచింది.
అయితే ఒక ఇంటర్వ్యూలో మురుగదాస్ మాట్లాడుతూ మహేష్ బాబు కోసం స్క్రిప్ట్ కోసం పనిచేస్తున్నానని చెప్పారు. “మహేష్ సర్ ని నిరాశపరిచినందుకు నేను అపరాధభావంతో ఉన్నాను. నేను అతని కోసం స్క్రిప్ట్ కోసం పని చేస్తున్నాను. అతి త్వరలో అతనికి వినిపిస్తాను. నేను అతనికి హిట్ ఇవ్వగలనని, సూపర్ స్టార్ అభిమానుల ముఖాలపై ఉత్సాహాన్ని నింపగలనని ఖచ్చితంగా అనుకుంటున్నాను”. అని ఆ దర్శకుడు తమిళ మీడియా హౌస్‌కు ఇచ్చిన ఇంటర్వ్యూలో చెప్పాడు.
మురుగదాస్ తన తదుపరి ప్రాజెక్ట్ లో ఇలయదళపతి విజయ్ కు దర్శకత్వం వహించబోతున్నాడు. సన్ పిక్చర్స్ ఆ ప్రాజెక్ట్ను నిర్మించబోతుంది. త్వరలో అధికారికంగా ప్రకటించబడుతుంది. అయితే, పాండమిక్ తగ్గినప్పుడే ఈ చిత్రం సెట్స్ మీదకు వెళ్లే అవకాశం ఉందని సమాచారం.
ఇది ఇలా ఉండగా.. మహేష్ బాబు కరోనా తీవ్రత కొంత తగ్గితే తన సర్కారు వారి పాట షూటింగ్ మొదలుపెట్టాలని భావిస్తున్నాడు. మొదట్లో ఈ సినిమా వచ్చే ఏడాది సమ్మర్ కు ప్లాన్ చేశారు. అయితే ఈ ఆలస్యం కారణంగా అది అదే ఏడాది దసరాకు వాయిదా పడుతుంది అని మనకు ఉన్న సమాచారం.
