Kodali Nani Gudivada KCR BRSగుడివాడలో తనకు తిరుగేలేదనుకొంటారు మాజీ మంత్రి కొడాలి నాని. అయితే గుడివాడలోనే ఆయనకు ఓ స్వీట్ షాప్ ఓనరు స్వీట్ జలక్ ఇచ్చాడు. దానిని కొడాలి కూడా తప్పు పట్టలేని పరిస్థితి!

Also Read – చంద్రబాబు, పవన్‌లకు కూడా మేలు చేసేపోయాడుగా!

ఇంతకీ విషయం ఏమిటంటే, గుడివాడలో ఈరోజు ఉదయం ఓ ఫ్లెక్సీ బ్యానర్ వెలిసింది. దానిలో తెలంగాణ సిఎం కేసీఆర్‌, మంత్రులు కేటీఆర్‌, హరీష్‌ రావుల ఫోటోలతో “టిఆర్ఎస్‌ను బిఆర్ఎస్‌గా మార్చి జాతీయ రాజకీయాలలో ప్రవేశించబోతున్న తెలంగాణ ముఖ్యమంత్రివర్యులు శ్రీ కల్వకుంట్ల చంద్రశేఖర్ గారికి ఇవే మా శుభాకాంక్షలు,” అంటూ వ్రాసి కిందన ‘కేటీఆర్‌ యూత్’ అని వ్రాశారు.

అంటే గుడివాడలో కేటీఆర్‌ని అభిమానించే యువకులు ఈ పోస్టర్‌ పెట్టినట్లు అర్దమవుతోంది. అయితే మరోవైపున ‘రవి స్వీట్స్ అండ్ బేకరీ’ అని కూడా ముద్రించారు.

Also Read – నాడు బాబుని జైల్లో పెట్టినప్పుడు మౌనమే… నేడూ మౌనమే?

సిఎం కేసీఆర్‌ బిఆర్ఎస్‌తో ఏపీకి వచ్చినా ఇక్కడ ఆయనకు అభ్యర్ధులు దొరకరు… ప్రజలు కూడా పట్టించుకోరని కొడాలి నాని నాలుగు రోజుల క్రితమే అన్నారు. ఆయన ఆ మాట అన్న నాలుగు రోజులకే గుడివాడలోనే ఈ పోస్టర్‌ ప్రత్యక్షమవడం ఆయనకు పెద్ద షాక్ అనే చెప్పవచ్చు.

ఏపీలో బిఆర్ఎస్‌ వచ్చినా దాంతో ఇబ్బంది లేదని కొడాలి నాని స్వయంగా అన్నారు కనుక ఇప్పుడు ఈ పోస్టర్‌పై కూడా ఆయన అభ్యంతరం చెప్పలేరు. ఇంతకీ కొడాలి నానికి ఈ స్వీట్ షాక్ ఇచ్చింది… గుడివాడలోని కేటీఆర్‌ యూతా… లేక స్వీట్ షాప్ యజమానా?ఎవరినప్పటికీ కొడాలి నానికి ఈ స్వీట్ అరిగించుకోవడం కష్టమే.

Also Read – చంద్రబాబు నాయుడు అనే నేను….