మెగాస్టార్ చిరంజీవి మెగా మూవీ “ఖైదీ నంబర్ 150”కు సంబంధించిన సమాచారాన్ని సోషల్ మీడియా ద్వారా విడుదల చేస్తున్న విషయం తెలిసిందే. ముఖ్యంగా ఈ సినిమా పబ్లిసిటీలో భాగంగా… మెగాస్టార్ చిరంజీవికి సంబంధించిన పలు ఫోటోలను ఎప్పటికప్పుడు విడుదల చేస్తూ… మెగా అభిమానుల్లో నూతన ఉత్సాహాన్ని, ఉల్లాసాన్ని కలిగించడంలో సక్సెస్ అవుతోంది.
ఆ క్రమంలోనే తాజాగా మరో ఫోటోను పోస్ట్ చేసింది. అయితే ఈ సారి మెగాస్టార్ స్టిల్ కాకుండా, మెగాస్టార్ ను ఈ సినిమాలో ఎదురొడ్డి నిలవబోతున్న తరుణ్ అరోరా స్టిల్ ను విడుదల చేసింది. “ఖైదీ నంబర్ 150”లో విలన్ నటిస్తున్న తరుణ్ అరోరా తన డైలాగ్స్ ను రిహార్సల్స్ చేస్తున్న సమయంలో… ఓ స్టిల్ ను లాగేసారు. ఆ ఫోటోనే చిత్ర నిర్మాణ సంస్థ విడుదల చేసింది. స్టైలిష్ లుక్ లో తరుణ్ మెగాస్టార్ కు ధీటుగా కనపడుతున్నారు. తాజా ఫోటోతో… ఈ సినిమాలోని ప్రతి క్యారెక్టర్ పై దర్శకుడు వినాయక్ ఏ రేంజ్ లో ఫోకస్ చేసారో ప్రేక్షకులకు అవగతమవుతోంది.
