“అరవింద సమేత” ప్రమోషన్ కార్యక్రమాలు బుల్లెట్ ట్రైన్ లా సాగుతున్నాయి. ఆడియో విడుదలతో ప్రారంభమైన ఈ హంగామాలో నేడు ‘అనగనగనగా’ పాటకు సంబంధించిన వీడియో ప్రోమోను విడుదల చేయబోతున్నారు. ఈ పాటలోని ఓ స్టిల్ ను రిలీజ్ చేసిన చిత్ర యూనిట్, సాయంత్రం 4.50 గంటలకు వీడియో ప్రోమోను రిలీజ్ చేస్తున్నట్లు స్పష్టం చేసారు.
జేబులో చేయి పెట్టుకుని డ్యాన్స్ వేస్తోన్న ఈ స్టిల్ యంగ్ టైగర్ ఫ్యాన్స్ కు ఐ ఫీస్ట్ లా ఉంది. ఎంతో స్టైలిష్ గా కనపడుతున్న జూనియర్ ఎన్టీఆర్ స్టిల్, వీడియో ప్రోమోపై అంచనాలు పెంచింది. ఆడియోలో కూడా తొలుత ఈ పాటనే విడుదల చేయగా, తాజాగా వీడియో ప్రోమోలో కూడా ఇదే పాటను విడుదల చేస్తూ చిత్ర యూనిట్ సెంటిమెంట్ ను అలాగే కొనసాగిస్తోంది.
