Director Murugadoss cameo in vijay deverakonda NOTA Movie-“గీత గోవిందం” సక్సెస్ తో మంచి ఊపు మీదున్న విజయ్ దేవరకొండ, వచ్చే నెల అక్టోబర్ లో “నోటా” సినిమాతో ప్రేక్షకుల ముందుకు రాబోతున్నారు. ఇప్పటికే ఈ సినిమా ట్రైలర్ విడుదల కాగా, తాజాగా ఈ సినిమాకు సంబంధించిన కీలక అప్ డేట్ ఒకటి వచ్చింది. తమిళ టాప్ దర్శకుడు, మహేష్ ను ‘స్పైడర్’గా చూపించి నిరాశపరిచిన మురుగదాస్, ఇందులో ఓ కీలక పాత్ర పోషిస్తున్నాడు.

‘నోటా’ సినిమాకు దర్శకత్వం వహిస్తోన్న ఆనంద్ శంకర్, ఈ ‘గజినీ’ శిష్యుడు కావడంతో, ఓ స్మాల్ కామియోకు ఓకే చెప్పారు. తన శిష్యుడు చెప్పే సన్నివేశం గురించి మురుగదాస్ ఎంతో ఆసక్తికరంగా వింటున్న వైనం ఈ ఫోటోలో గమనించవచ్చు. గతంలో తాను దర్శకత్వం వహించిన కొన్ని సినిమాలలో కూడా మురుగదాస్ అలా తళుక్కున మెరిసిన విషయం సినీ ప్రేక్షకులకు తెలియనిది కాదు.