కరోనా వైరస్ లాక్డౌన్ సమయంలో మెగాస్టార్ చిరంజీవి జిమ్ లో కష్టపడుతున్నారు. ఆయన తదుపరి చిత్రం ఆచార్య ఆగస్టు 14 న స్వాతంత్య్ర దినోత్సవ స్పెషల్‌గా విడుదల చేయడానికి ప్రణాళికలు సిద్ధం చేస్తున్నారు. ఒకవేళ ఆర్‌ఆర్‌ఆర్ సంక్రాంతి రేసులో లేనట్లయితే, ఈ చిత్రం సంక్రాంతికి విడుదల చేసే ప్లాన్ లో ఉన్నారు చిరంజీవి.
మరోవైపు, ఈ విరామంలో చిరంజీవి మరో రెండు ప్రాజెక్టులను ఖరారు చేసినట్లు తెలుస్తోంది. మొదటి చిత్రం మలయాళ బ్లాక్ బస్టర్ లూసిఫర్‌కు రీమేక్. దీనికి సాహో ఫేమ్ సుజిత్ దర్శకత్వం వహించనున్నారు. బజ్ ఏమిటంటే, దర్శకుడు ఇప్పటికే స్క్రిప్ట్ కోసం పనిచేయడం ప్రారంభించాడు.
సుకుమార్ తెలుగు వెర్షన్‌కు కొన్ని మార్పులు సూచించారు. ఆ స్క్రిప్ట్ కి సంబంధించిన ట్రీట్మెంట్ మీద సుజిత్ పని చేస్తున్నాడట. మరోవైపు… ఇటీవలే వెంకీ మామ తో డీసెంట్ హిట్ కొట్టిన బాబీ ఇటీవల మెగాస్టార్ చిరంజీవికి ఒక కథను వినిపించాడట, దానికి చిరంజీవి బాగా ఇంప్రెస్స్ అయ్యారట. స్క్రిప్ట్ మీద పని చెయ్యమని బాబీకి చెప్పారట.
ఈ సంవత్సరం చివరిలో తరువాత లేదా వచ్చే ఏడాది ప్రారంభంలో ఈ చిత్రం సెట్స్ మీదకు వెళ్లే అవకాశం ఉందంటున్నారు. లూసిఫర్‌ను కొణిదెల ప్రొడక్షన్ కంపెనీ మరియు యువి క్రియేషన్స్ సంయుక్తంగా నిర్మించనుండగా, బాబీ చిత్రం నిర్మాత ఇంకా నిర్ణయించబడలేదు.
