నందమూరి బాలకృష్ణ కేఎస్ రవికుమార్ సి కళ్యాణ్ సినిమా సెట్స్ మీదకు వెళ్ళకముందే అటకెక్కిందని ఆ మధ్య వార్తలు వచ్చాయి. ఫిలింనగర్ లోని గుసగుసల బట్టి ఈ సినిమాలో జగపతిబాబు విలన్ గా డబుల్ రోల్ చేస్తున్నారు. ఈ రెండు పాత్రలలో జగపతిబాబు తాత, మనవడిగా కనిపిస్తారని తెలుస్తోంది. ఫ్లాష్ బ్యాక్ లో తాత విలన్. తరువాత మనవడు విలన్. ఈ రెండు విలన్ క్యారెక్టర్లు కూడా వైఎస్ రాజారెడ్డి, వైఎస్ జగన్ లు స్ఫురించేలా రాసుకున్నట్లు తెలుస్తోంది.
ఇప్పుడు వైఎస్సార్ కాంగ్రెస్ అధికారంలోకి వచ్చింది గనుక ఇటువంటి సినిమా తీయడం రిస్క్ అని మొత్తానికి విరమించుకున్నారట. గతంలో వీరిద్దరి కంబినేషన్ లో వచ్చిన జై సింహ జస్ట్ యావరేజ్ సినిమా. దీనితో ఈ వార్తలతో అభిమానులు ఊపిరి పీల్చుకున్నారు. అయితే బాలయ్య ఇచ్చిన మాట తప్పను అంటూ కేఎస్ రవికుమార్ తో కథ మార్చి మరీ సినిమా చేస్తున్నాడని తాజా సమాచారం. ఆ సినిమా 12న ముహూర్తం చేసుకుని నెలాఖరుకు సెట్స్ మీదకు వెళ్తుందట.
ఏది ఏమైనా ఈ సినిమా మాత్రం తప్పకపోవడం అభిమానులు జీర్ణించుకోలేకపోతున్నారు. 2019లో ఇప్పటివరకు బాలయ్యకు మిశ్రమ ఫలితాలు వచ్చాయి. ఈ సంవత్సరం వచ్చిన ఎన్టీఆర్ చిత్రం రెండు భాగాలు బాక్స్ ఆఫీసు వద్ద బోల్తా కొట్టాయి. అదే సమయంలో బాలయ్య హిందూపురం నుండి రెండో సారి ఎమ్మెల్యేగా ఎన్నికయ్యారు. రాష్ట్రవ్యాప్తంగా తెలుగుదేశం పార్టీ చిత్తుగా ఓడిపోయినా బాలయ్య తన 2014 మెజారిటీ కంటే ఎక్కువ మెజారిటీతో గెలవడం విశేషం.
