నందమూరి బాలకృష్ణ, బోయపాటి శ్రీను తదుపరి చిత్రం #బిబి3 మే 28 న ఎన్టీఆర్ జయంతి స్పెషల్ గా విడుదల కావడానికి సిద్ధంగా ఉంది. ఈ చిత్రం యొక్క చివరి భాగాలు ప్రస్తుతం కర్ణాటకలో జరుగుతున్నాయి. ఇంతకుముందు, ఈ చిత్రంలోని ఒక సన్నివేశంలో బాలయ్యను అఘోరగా కనిపిస్తారని వచ్చిన వార్తలు మన అందరికి తెలిసిందే.
అయితే ఈ కొత్త లుక్ పై బాలయ్య కు పెద్ద గా గురి కుదరకపోవడంతో బోయపాటి ని మార్చి రాశాడట. కొత్త లుక్, కొత్త క్యారెక్టర్ తో ఆ ఎపిసోడ్ ని రీ-డిజైన్ చేసాడట బోయపాటి. ఈ ఎపిసోడ్ యొక్క షూటింగ్ భాగాలు కూడా ఇప్పటికే పూర్తయ్యాయి. అఘోర లుక్ యొక్క కొన్ని భాగాలు ఇప్పటికే చిత్రీకరించబడ్డాయి, కానీ ఈ చిత్రంలో ఉపయోగించరు.
ఈ ఎపిసోడ్ ని మార్పించి బాలయ్య మంచి పనే చేశాడు. ఇందులో ఏ మాత్రం తేడా కొట్టినా ట్రోల్ మెటీరియల్ అవుతుంది. బోయపాటి అటువంటి గెట్ అప్ ని ఏ మాత్రం హేండిల్ చెయ్యగలడు అనేది కూడా అనుమానమే. కావున ఇది మంచి నిర్ణయం అనే చెప్పుకోవాలి. జూన్‌లో విడుదలైన ఈ చిత్రానికి ఫస్ట్ లుక్ టీజర్‌కు అద్భుతమైన స్పందన వచ్చింది.
ఈ చిత్రం యొక్క హైప్ మరియు అంచనాలు భారీగా పెరిగిపోయాయి. పూర్ణ, ప్రగ్య జైస్వాల్ ఈ చిత్రంలో హీరోయిన్లుగా కనిపించనున్నారు. మిరియాల రవీందర్ రెడ్డి ద్వారకా క్రియేషన్స్ బ్యానర్ కింద ఈ ప్రాజెక్టును బ్యాంక్రోలింగ్ చేస్తున్నారు. ఈ చిత్రానికి తమన్ సంగీతం కంపోజ్ చేస్తున్నారు. డిక్టేటర్ తర్వాత బాలయ్యతో కలిసి ఇది రెండోసారి. ఉగాది రోజున సినిమా టైటిల్ ప్రకటించే అవకాశం ఉంది.
