స్టైలిష్ స్టార్ అల్లు అర్జున్ తన పుష్ప ను రెండు భాగాలుగా విడుదల చెయ్యబోతున్నారు. మొదటి భాగం తరువాత, అల్లు అర్జున్ పూష నుండి విరామం తీసుకుంటారని… ఆ గ్యాప్ లో ఐకాన్ చేస్తారని సమాచారం. రెండవ భాగం యొక్క స్క్రిప్ట్‌లో పనిచేయడానికి సుకుమార్‌కు ఎక్కువ సమయం కేటాయించడం కోసం అల్లు అర్జున్ ఈ వెసులుబాటు ఇచ్చారట.
అయితే, ఇప్పుడు సడన్ గా పుష్పా 2 కి ముందు సుకుమార్ మరో సినిమా కూడా చేస్తాడని పుకార్లు వస్తున్నాయి. అంటే పుష్ప 2 2023 చివరినాటికి లేదా 2024 ప్రారంభంలో మాత్రమే విడుదల కావచ్చు. అంటే, చిత్రం యొక్క రెండు భాగాల మధ్య అటుఇటుగా రెండేళ్ల గ్యాప్ ఉంటుంది. కరోనా వంటి ఉపద్రవాలు చోటు చేసుకుంటే ఇంకా లేట్ కూడా అవొచ్చు.
ఇంత కాలం అభిమానుల ఆసక్తిని నిలబెట్టుకోవడమే సవాలు. అంతకాలం ఆసక్తిని నిలిపేలా ఫస్ట్ పార్ట్ ఉండటం అన్నిటికంటే ఎక్కువ ఇంపార్టెంట్. ఇది ఇలా ఉండగా…. ఇప్పటికే పుష్ప సెకండ్ పార్టీ షూటింగ్‌లో 10% సుకుమార్ పూర్తి చేశారు. 100% ఆక్యుపెన్సీ మంజూరు చేయబడి, అప్పటికి పరిస్థితి సాధారణమైతే పుష్పా యొక్క మొదటి భాగం దసరా కోసం విడుదల కావచ్చు.
లేకపోతే సినిమాను మరింత ముందుకు నెట్టవచ్చు. 2022 సంక్రాంతికి వెళ్ళిపోయినా ఆశ్చర్యం లేదని కొందరు అంటున్నారు. అయితే ప్రస్తుతానికి పుష్ప టీమ్ ఈ నెలాఖరుకు షూటింగ్ మొదలు పెట్టి… జులై నాటికి పూర్తి చెయ్యాలని… దసరా నాటికే సినిమా విడుదల చెయ్యాలని ఆలోచన చేస్తుంది.
