ఫిల్మ్ డిస్ట్రిబ్యూషన్ లో వ్యాపార భాగస్వాములుగా ఉన్న దిల్ రాజు, అల్లు అరవింద్‌లు తమ బంధాన్ని ఒటిటి ప్లాట్‌ఫామ్‌కి కూడా విస్తరించినట్టుగా సమాచారం. అల్లు అరవింద్ కు చెందిన ఆహా కోసం దిల్ రాజు కంటెంట్ ని ఖరారు చేయనున్నారు. ఆహా కోసం వెబ్ ఆధారిత చిత్రాలను నిర్మించాలనే ఆలోచనలో ఉన్నారని తెలుస్తుంది.
కొన్ని కాన్సెప్ట్ బేస్డ్ ఫిల్మ్స్ మరియు వెబ్ సిరీస్ కోసం వారిద్దరూ కలిసి పనిచేయాలని వారు నిర్ణయించుకున్నారు. మంచి ప్రతిభావంతులైన యువ దర్శకులను గుర్తించే నైపుణ్యం రాజుకు ఉంది, ఇది ఆహాకు ఉపయోగపడుతుంది. దిల్ రాజు బ్యానర్ లో రెండు సినిమాలు – వి మరియు వకీల్ కరోనా సంక్షోభం కారణంగా ఆగిపోయాయి.
ఆ చిత్రాలను విడుదల చేయడానికి సాధారణ స్థితి కోసం దిల్ రాజు వేచి చూస్తున్నారు. వీ విడుదలకు రెడీగా ఉంటే… వకీల్ సాబ్ ఇంకో 15-20 రోజులు షూటింగ్ చేస్తే పూర్తి అవుతుంది. ఈ రెండు సినిమాలు విడుదలయ్యే వరకూ కొత్త సినిమాలు ఏవీ తెరకెక్కించకూడదని దిల్ రాజు నిర్ణయించుకున్నారు.
దానితో ఆయన దృష్టి ఇప్పుడు ఓటీటీల మీద పడినట్టుగా ఉంది. మరోవైపు…. లాక్ డౌన్ సమయంలో మిగతా ఓటీటీలు ఫేమస్ అవుతున్నా ఆహా మాత్రం సరైన కంటెంట్ లేక చతికిలపడింది. ఈ తరుణంలో దిల్ రాజు ఎక్స్పీరియన్స్ ఆహా కు బాగా ఉపయోగపడే అవకాశం ఉంది.
