ప్రేమకధలను అద్భుతంగా వెండితెరపై ప్రతిబింబించడంలో దర్శకుడు కరణ్ జోహార్ ది అందెవేసిన చేయి. అలాంటి కరణ్ తాజాగా తెరకెక్కించిన “ఏ దిల్ హే ముష్కిల్” సినిమా తొలి టీజర్ ప్రేక్షకులను పలకరించింది. ట్రైయాంగిల్ ప్రేమకధగా కనపడుతున్న ఈ టీజర్ లో ఐశ్వర్యారాయ్ చేసిన ఘాటు రొమాన్స్ హైలైట్ గా నిలుస్తోంది. తన కంటే వయసులో చిన్నవాడైన రణబీర్ కపూర్ తో ఐష్ ఘాటు సన్నివేశాలు ఉన్నాయంటూ ప్రచారం జరగడంతో ఈ టీజర్ పై సర్వత్రా ఆసక్తి నెలకొంది.
అనుకున్న విధంగా అలాంటి అనుభూతులనే ఈ టీజర్ పంచింది. మరో ముద్దుగుమ్మగా అనుష్క శర్మ కనువిందు చేయనుంది. దీపావళి కానుకగా అక్టోబర్ 28వ తేదీన విడుదల కానున్న ఈ సినిమాపై అంచనాలు పెంచే విధంగా టీజర్ ఉంది. ఐష్ కంబ్యాక్ ఫిల్మ్స్ ఆశించిన రీతిలో ఆకట్టుకోవడంలో విఫలం కావడంతో, ఈ సినిమా అయినా ఐష్ కు సరైన సక్సెస్ ను ఇస్తుందో లేదో చూడాలి.