తెలుగు చిత్ర సీమలో సంచలన విజయం సాధించిన “ఆర్ఎక్స్ 100” సినిమా తమిళంలోకి రీమేక్ అవుతోంది. ఈ సినిమాలో హీరోగా ఆది పినిశెట్టి నటిస్తున్నట్లు అధికారిక సమాచారం వెలువడింది. అంతేకాదు ఈ సినిమాలో ఆది ఫస్ట్ లుక్ ఫోటో కూడా విడుదలయ్యింది. ప్రముఖ ప్రొడక్షన్స్ సంస్థ ‘ఆరా సినిమాస్’ ఈ సినిమాను తమిళంలో నిర్మిస్తోంది.
అయితే ఈ “ఆర్ఎక్స్ 100″లో హీరో ఎవరన్న దాని కంటే హీరోయిన్ ఎవరు? అన్నదే ఆసక్తికరంగా మారింది. ఎందుకంటే నెగటివ్ రోల్ మాత్రమే కాకుండా, హాట్ హాట్ సన్నివేశాలు ఉండడంతో, ఈ రోల్ ను అంగీకరించే తమిళ హీరోయిన్ ఎవరన్నది కోలీవుడ్ లో చర్చనీయాంశంగా మారింది. ఎవరూ లేరంటే మళ్ళీ రాజ్ పుత్ కే ఆ అవకాశం దక్కుతుందేమో!?
ఇదిలా ఉంటే, తెలుగులో ‘రంగస్థలం’తో బ్లాక్ బస్టర్ హిట్ కొట్టిన ఆది, ఈ నెలలోనే “నీవెవరో” సినిమాతో మళ్ళీ ప్రేక్షకుల ముందుకు రాబోతున్నాడు. ఓ తమిళ సినిమాను తెలుగులో ‘నీవెవరో’ పేరుతో రీమేక్ చేస్తోన్న ఆది, ఇపుడు ‘ఆర్ఎక్స్ 100’ తెలుగు మూవీని తమిళ రీమేక్ కు గ్రీన్ సిగ్నల్ ఇవ్వడం విశేషం.
