ప్రపంచ వ్యాప్తంగా విడుదలైన తొలి ఆట నుంచి బ్లాక్ బాస్టర్ హిట్ టాక్ ని సొంతం చేసుకున్న “ఆర్ఆర్ఆర్” సినిమా ‘నాన్ -బాహుబలి’ రికార్డ్స్ ని బద్దలుకొట్టి ‘నాన్ – ఆర్ఆర్ఆర్’ రికార్డ్స్ సృష్టించే దిశగా ముందుకు సాగుతుంది. ఈ తరుణంలో సినిమా ఓటిటి రిలీజ్ లో కూడా తనదైన ట్రేడ్ మార్క్ ని కనపరుస్తున్నారు జక్కన్న.
ఆర్ఆర్ఆర్ సినిమా నిడివి ఇప్పటికే ౩గంటలు ఉండడంతో ఎడిటింగ్ లో కొని సన్నివేశాలను తగ్గించి సినిమాను థియేటర్లలో విడుదల చేశారు జక్కన్న. అయితే సినిమా ఓటిటిలో విడుదల చేసే సమయంలో ఆ డిలిటెడ్ సీన్స్ లో కొన్నింటిని సినిమాకు జత చేస్తారనే వార్తలు ప్రచారం జరుగుతున్నాయి.
జక్కన్న తన ఆలోచనలను ఆచారంలో పెడితే థియేటర్లలో సినిమాను ఎంజాయ్ చేసిన ప్రేక్షకులు కూడా మళ్లి ఓటిటి ప్లాట్ ఫామ్ మీద మూవీ చూడడానికి ఆసక్తి చూపుతారు. ఇలా అటు ధియేటర్ల లోను., ఇటు ఓటిటి ప్లాట్ ఫామ్ లోను రికార్డుల మోతకు రాజమౌళి రంగం సిద్ధం చేస్తున్నట్లున్నారు.
ఓటిటి వర్షన్ లో జూ.ఎన్టీఆర్ కు మల్లికి మధ్య సన్నివేశాలను.,రామ్ చరణ్ – ఆలియా మధ్య కొన్ని సన్నివేశాలను జత చేసి ‘న్యూ ఆర్ఆర్ఆర్’ ను ఓటిటి ప్రేక్షకులకు అందిస్తున్నారన్న సమాచారంతో మరో సారి మూవీని వీక్షించడానికి సిద్ధంగా ఉన్నారు సినిమా ప్రేమికులు. రాజమౌళి “నీ ఫాన్స్ వెయిటింగ్” ఇక్కడ అంటూ ఓటిటి ప్రేక్షకులు సినిమా కోసం ఆతృతగా ఎదురుచూస్తున్నారు.
