పవర్ స్టార్ పవన్ కళ్యాణ్ సినిమాలలోకి రావడం ఖాయం అయిపోయింది. బాలీవుడ్ లో హిట్టయిన పింక్ రీమేక్ లో ఆయన నటించబోతున్నారని వార్తలు వచ్చాయి. మొన్నే ఆ సినిమా ముహూర్తం కూడా చేసుకుంది. థమన్ సారథ్యంలో మ్యూజిక్ సిట్టింగ్స్ కూడా మొదలయ్యాయని దిల్ రాజు ప్రకటించారు. ఈ సినిమా ప్రీ-ప్రొడక్షన్ పనులు వేగంగా జరుగుతున్నాయి.
ఈ సినిమా రెగ్యులర్ షూటింగ్ వచ్చే నెల 7వ తారీఖు నుండి మొదలవుతుందట. మొదటిగా పవన్ కళ్యాణ్ అవసరం లేని సీన్స్ తీస్తారట. ఆ తరువాత ఫిబ్రవరిలో పవన్ ఎంటర్ అవ్వొచ్చంటున్నారు. అయితే తాజా సమాచారం ప్రకారం పవన్ కళ్యాణ్ ఈ సినిమాకు కేవలం 20రోజులు డేట్స్ ఇచ్చారట. ఈ ఇరవై రోజులలో పవన్ కళ్యాణ్ పార్టు మొత్తం పూర్తి చేసేస్తారట.
సినిమాలో పవన్ కళ్యాణ్ పాత్ర తక్కువే దానితో 20 రోజులు సరిపోతాయి అంటున్నారు. అయితే ఈ ఇరవై రోజుల కష్టానికే పవన్ కళ్యాణ్ కు యాభై కోట్లు రాబోతున్నాయట. కథప్రకారం ఈ సినిమాలో ముగ్గురు హీరోయిన్లు ఉంటారు. ఇప్పటికే నివేత థామస్, అంజలి కంఫర్మ్ అయినట్టు చెబుతున్నారు. ఈ సినిమాకు వేణు శ్రీరామ్‌ దర్శకత్వం వహిస్తాడు.
ఇంతకీ ఈ పింక్ సినిమా కాన్సెప్ట్ ఏంటంటే.. ముగ్గురు అమ్మాయిలు, ముగ్గురు అబ్బాయిలు, ఓ లాయర్ నేపథ్యంలో తెరకెక్కిన సినిమా ఇది. ఆ ముగ్గురు అబ్బాయిల్లో ఒకరు ఓ అమ్మాయిపై అత్యాచారం చేయాలని చూస్తాడు. ఆమె తప్పించుకునే క్రమంలో బీర్ బాటిల్‌తో అతని తల పగలగొడుతుంది. అక్కడి నుంచి అసలు కథ మొదలవుతుంది. ఈ కేసును డీల్ చేస్తున్న లాయర్ (అమితాబ్ బచ్చన్) ఎలా నెగ్గారు అన్నదే కథ. పవన్ కళ్యాణ్ వయసు, ఇమేజ్ ని బట్టి కథలో మార్పులు చేర్పులు చేస్తున్నారట.
