24 Kisses Trailer Talk“మిణుగురులు” వంటి ఆర్ట్ సినిమాను తెరకెక్కించి దర్శకుడిగా కీర్తిప్రతిష్టతలతో పాటు అనేక అవార్డులు సొంతం చేసుకున్న అయోధ్య కుమార్, ఈ సారి మాత్రం ఆర్ట్ మూవీని కాకుండా కమర్షియల్ కధను ఎంచుకున్నారని “24 కిసెస్” ధియేటిరికల్ ట్రైలర్ స్పష్టం చేసింది. ఇటీవల విడుదల చేసిన ‘కిసెస్’ టీజర్ ను కొనసాగిస్తూ… ఈ ట్రైలర్ ను ప్రేక్షకుల ముందుకు వదిలారు.

అదితి అరుణ్, హేబా పటేల్ జంటగా నటిస్తోన్న ఈ “24 కిసెస్” కధ హీరో-హీరోయిన్-రావు రమేష్ ల మధ్య జరిగేదిగా కనపడుతోంది. రొటీన్ లవ్ స్టోరీకి కాస్త డిఫరెంట్ టచ్ ఇచ్చే ప్రయత్నం చేసినట్లుగా ఈ ట్రైలర్ లో కనపడుతోంది గానీ, కధకు సంబంధించి పెద్దగా ఏమీ రివీల్ చేయలేదు. ఆర్ట్ సినిమాతో అవార్డులు తెచ్చిపెట్టిన అయోధ్య కుమార్ కు, ఈ కమర్షియల్ మూవీ ఏం తెచ్చిపెడుతుందో చూడాలి.