మిల్కీ బ్యూటీ తమన్నా డిజిటల్ స్పేస్ వైపు దృష్టి కేంద్రీకరించినట్లు కనిపిస్తోంది. కొద్ది రోజుల క్రితం తన మొదటి వెబ్ సిరీస్ నవంబర్ స్టోరీని ప్రకటించిన ఈ నటి ఇప్పుడు తన రెండవ వెబ్ సిరీస్ ‘లెవన్త్‌ అవర్’ ను ప్రకటించింది. ఇది అల్లు అరవింద్ యొక్క ఆహా యొక్క ఎక్సక్లూజివ్.
ఆహా ఒక తెలుగు ప్లాట్ ఫామ్ కాబట్టి, లెవన్త్‌ అవర్ తెలుగు భాషలో మాత్రమే అందుబాటులో ఉండే అవకాశం ఉంది. ప్రవీణ్ సత్తారు దీనికి దర్శకత్వం వహిస్తున్నారు మరియు ఇది ఇప్పటికే దాని ప్రొడక్షన్ ని పూర్తి చేసినట్లు కనిపిస్తోంది. ప్రవీణ్ దేవ కట్టాతో కలిసి బాహుబలి: బిఫోర్ ది బిగినింగ్ అనే వెబ్ సిరీస్ నెట్‌ఫ్లిక్స్ కోసం దర్శకత్వం వహించారు, అయితే ఇది నిలిపివేయబడిందని వార్తలు వచ్చాయి.
హైదరాబాద్‌లో జరిగిన కార్యక్రమంలో లెవన్త్‌ అవర్ వెబ్ సిరీస్ యొక్క ఫస్ట్ లుక్ పోస్టర్‌ను ఆవిష్కరించారు. ఆహా ఈ నెల 13 న ఈ వెబ్ సిరీస్ యొక్క మరిన్ని వివరాలను వెల్లడిస్తున్నట్లు ప్రకటించింది. రీజినల్ ఓటీటీ ప్లాట్‌ఫామ్ తన భవిష్యత్ విడుదలలను వెల్లడించడానికి ఆ రోజు స్టైలిష్ స్టార్ అల్లు అర్జున్‌తో కలిసి ఒక మెగా ఈవెంట్‌ను నిర్వహిస్తున్న విషయం తెలిసిందే.
తమన్నాకు ప్రస్తుతం తెలుగులో గోపీచంద్ సీటిమార్ ఉంది. ఇది దాదాపుగా షూటింగ్ పూర్తి చేసుకుంది. ఎప్పుడు, ఎలా విడుదల చేస్తారు అనేదాని మీద మాత్రం క్లారిటీ లేదు. అలాగే నితిన్ చేస్తున్న అంధాదున్ రీమేక్ లో ఆమె కీలక పాత్ర చెయ్యబోతుంది. హిందీలో ఈ పాత్ర చేసిన టబూకి ఎంతో పేరు ప్రఖ్యాతలు వచ్చాయి.
